Нижний Новгород жомеъ масжидида «Эҳсон» мактабининг аёллар гуруҳи мударрислари томонидан ташкил қилинган маданий тадбир бўлиб ўтди.Нижний Новгород Мусулмонлар диний идораси матбуот хизматининг хабар беришича, бу тадбирда барча истаган аёллар иштирок этиши мумкин эди. Тадбирда Набий соллаллоҳу алайҳи васалламнинг саҳобалари, ҳижобнинг аҳамияти, Қуръон мўъжизалари ҳақида сўз юритилди. Шунингдек, исломий бошқотирмаларни топиш бўйича жамоавий ўйин ҳамда турли хил мусобақалар ўтказилди.