РАМАЗОН СОҒИНЧИ
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ўн битта ой ичра султон –

 cор бўлиб кел, Рамазон,

Расулуллоҳ умматига

ёр бўлиб кел, Рамазон!

Жоним тўшай йўлларингга

 зор бўлиб: кел, Рамазон,

Хаста руҳим даво излар –

 кор бўлиб кел, Рамазон!

“Ла илаҳа иллаллоҳ”ни

 ёр қилиб кел, Рамазон,

Томирларда қон бўлиб оқ,

жон бўлиб кел, Рамазон!

Даъюслардан эл безордур –

 ор бўлиб кел, Рамазон,

Сени суймаган нафсларни

хор қилиб кел, Рамазон!

Қалб қаросин покламоққа

қор бўлиб кел, Рамазон,

Муҳаббат-ла чертилгувчи

тор бўлиб кел, Рамазон!

Раҳмат ойи – шафқатлари

бор бўлиб кел, Рамазон

Гуноҳларим бир-бир осай –

 дор бўлиб кел, Рамазон!

Ўн битта ой ичра султон –

 cор бўлиб кел Рамазон,

Расулуллоҳ умматига

ёр бўлиб кел, Рамазон!

Гулбаҳор АБДУЛЛОҲ

Мавзуга оид мақолалар
Яхши кир ювиш воситаси тозалик гарови саналади. У ювилаётган мато ҳиди ва сифатини кўнгилдагидек қилиши давоми...

02:38 / 26.01.2017 4414
Ассалому алайкум «muslimaat.uz» сайтида ўз хизматларини бекаму кўст адо этиб, фаолият юритиб келаётган мўмина, давоми...

06:39 / 08.04.2019 3941
Вожиб. Шариат жазм ила, аммо қатъий бўлмаган далил билан талаб қилган амал вожибдир. Фитр садақаси, давоми...

07:29 / 21.04.2017 4383