Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ғусл қилиш вожиб бўлган ҳолатлар:                                                                                                                                             

1. Жимо қилганда.

2. Уйғонган кишининг маний ёки мазийни кўриши.

(Биров тушида ғусл вожиб бўладиган бирор нарсани кўрганини эслай олмайди. Лекин баданида, кийимида ёки ётган жойида манийнинг ҳўлини кўради. Ғусл қилиш вожиб, акс ҳолда гуноҳкори азим бўлади.

Бошқа биров тушида жинсий алоқани кўрган, аммо уйғонса, ҳеч қаерда манийнинг ҳўли йўқ. Ундай одамга ғусл вожиб бўлмайди, чунки ундан воқеъликда ғусл вожиб бўладиган нарса чиққан эмас).

3. Ҳайз ва нифоснинг тўхташи.

4. Шаҳид бўлмаган мусулмон маййитга ҳам ғусл вожиб бўлади.

5. Ғайримуслим шахс Исломга кирса.

(Агар мусулмон бўлган одам жунуб бўлмаса, ғусл мустаҳабдир).