Гуноҳлардан халос бўлайлик, десак, оналаримизга яхшилик қилайлик
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

ГУНОҲЛАРДАН ХАЛОС БЎЛАЙЛИК, ДЕСАК,

ОНАЛАРИМИЗГА ЯХШИЛИК ҚИЛАЙЛИК

 

Баъзан аҳли илмлардан «Қуръони Каримнинг қироатини ётиб эшитса бўладими?», «Қуръони Карим дастури уяли алоқа жиҳозига ўрнатилган бўлса, уни шимнинг чўнтагига солиш мумкинми?» каби саволлар сўралади. Чунки Қуръони Каримнинг бениҳоя улуғлигини билганимиз учун Унга нисбатан ҳурматсизлик қилиб қўймайлик, деб сўраймиз бу саволларни. Саволга жавоб тарзида эса имкон қадар, баҳоли қудрат Қуръони Каримни улуғлашга чақириқ бўлади.

Мен волидаларимизга яхшилик қилиш тўғрисида сўз очишдан олдин бежизга бу ҳақда эсламадим. Оналарга ҳам имкон қадар, баҳоли қудрат, кўпроқ яхшилик қилавериш керак. Битта чегара – онага яхшилик қиламан, деб гуноҳга қўл урмаслик.

Ота-онага яхшилик қилиш фарз. Шундай экан, ҳеч бир яхшиликни кичик санамай, уларнинг дилини чоғ қилсак, ҳам фарзандлик бурчимизни адо қилган бўламиз, ҳам фарз ибодатнинг савобини оламиз. Шу билан бирга онажонларимизга яхшилик қилиш туфайли гуноҳлардан ҳам халос бўлишимиз мумкин экан.

«Бир киши Набий соллаллоҳу алайҳи васалламнинг ҳузурларига келиб:

«Эй Аллоҳнинг Расули! Мен катта гуноҳ қилдим. Энди мен учун тавба борми?» деди.

«Онанг борми?» дедилар.

«Йўқ», деди.

«Холанг борми?» дедилар.

«Ҳа», деди.

«Унга яхшилик қил», дедилар».

Имом Термизий ривоят қилганлар.

Бу ҳадиси шарифдан бир қанча Ислом қоидаларини англаб оламиз:

  1. Катта гуноҳлар ҳам тавба туфайли кечирилиши мумкин.
  2. Катта гуноҳлардан тавба қилганда солиҳ амалларни ҳам кўпроқ қилиш лозим.
  3. Исломда хола онанинг ўрнига ўтади.
  4. Катта гуноҳлардан тавба қилган киши онасига, у бўлмаса, холасига кўпроқ яхшилик қилиши керак.
  (Давоми бор...)  

Шайх Муҳаммад Содиқ Муҳаммад Юсуф

ҳазратларининг китоблари асосида

ҒИЁСИДДИН тайёрлади.

 
Мавзуга оид мақолалар
embedhttpswww.youtube.comwatchvb7iqcBohBofeatureyoutu.beembed «Муслимаат.уз»ташкил топганига 10 йил тўлган бўлса ҳам, ҳозиргидек жамоа бўлиб ишлаётганига энди 5 йил тўлди. Фаолиятимиз давоми...

07:00 / 06.03.2018 1360
Чанг қаердан келади Ўлчами 0,01 микрондан 10 микронгача бўлган қаттиқ зарраларга чанг дейилади. Микрон ёки расмий номини айтадиган бўлсак, микрометр нима Метрни давоми...

11:00 / 13.08.2019 1097
Бисмиллаҳир Роҳманир Роҳим  Бир неча ой олдин Иорданиядаги Ҳошимийлар Академияси тарафидан дунёнинг 126 та энг йирик уламолари имзоси билан ИШИД раҳбарларига давоми...

11:11 / 02.02.2017 5620
Бисмиллаҳир Роҳманир Роҳим          Бизларга Рамазон рўзасини фарз қилган, рўза билан тақвони зиёда қилишни ваъда берган, устигаустак мухлис бандасига ёрдам давоми...

01:27 / 08.02.2017 2846