Қозонда «Жаннат оналар оёғи остида» номли мавзуда давра суҳбати бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«6 март куни Қозон шаҳрида мусулмон хотин-қизларнинг «Жаннат оналар оёғи остида» номли учрашуви бўлиб ўтди», деб хабар беради Россия Ислом Университети матбуот хизмати.

Ушбу давра суҳбати Татаристон Республикаси Ислом Маданияти Маркази ва Татаристон Мусулмон Аёллари Иттифоқи томонидан Россия Ислом Университетининг бевосита кўмаги остида ташкил қилинди. Учрашув мусулмон хотин-қизларнинг ўзаро ҳамкорликда бўлишлари, ёшларни анъанавий Ислом маданияти қадриятларига ошно қилиш каби мавзуларни муҳокама қилиш учун бутун жаҳон миқёсида замин яратиш ғояларини олдинга қўйди. Давра суҳбати давомида қуйидаги мавзулар муҳокама қилинди: «Оналарга муносабат», «Қариялар уйида ота-оналар», «Қайнота-қайноналарга муносабат», «Ота-онаси тирик етимлар». Тадбирда Макка шаҳрининг Уммул-Қуро Университети профессори Аҳлам Баҳандам хоним (Саудия Арабистони), Эрон, Кувайт ва бошқа мамлакатлар вакиллари Қозон шаҳрининг хотин-қизлар ташкилотлари фаоллари, Россия Ислом Университети ва бошқа ўқув юртлари талаба қизлари қатнашдилар. Шуни таъкидлаб ўтиш керакки, доктор Баҳандам хоним Қозонга Россия Ислом Университети таклифига биноан ташриф буюрган. Бу ерда Баҳандам хоним Россия Ислом Университети қизлари учун очилган араб тили бўйича қишки оромгоҳ ишларида ҳам қатнашади.

«Islam.ru» дан олинди. Муслима Робиъа таржима қилди.

Мавзуга оид мақолалар
Умму Ҳабиба Рамла розияллоҳу анҳонинг оталари исми Абу Суфён Сохр ибн Ҳарб ибн Умайя ибн Абду Шамс ибн Абду Манофдир. Умму Ҳабиба розияллоҳу анҳонинг оналари исми давоми...

23:38 / 04.04.2017 1768
Имом Термизий ривоят қилган ҳадисда Расулуллоҳ cоллаллоҳу алайҳи васаллам, Аллоҳга ҳузурида қўшниларнинг энг яхшиси қўшнисига яхши бўлганидир, деганлар. Ҳар давоми...

01:53 / 27.10.2016 2836
Бисмиллаҳир Роҳманир Роҳийм Муқаддима Бандалари ичидан баъзиларини фақиҳ қилиб қўйган Аллоҳу субҳанаҳу ва таолога ҳамду санолар бўлсин давоми...

00:51 / 10.12.2018 857