Убода ибн Собит розияллоҳу анҳу деди: «Расулуллоҳ соллаллоҳу алайҳи васаллам дедилар: «Менга ўз томонларингиздан олти нарсага кафил бўлсаларинг, мен сизларга жаннатга кафил бўламан. Гапирсаларинг, тўғри сўзланглар, ваъда қилсанглар, вафо қилинглар, сизларга омонат берилса, адо қилинглар, жинсий аъзоларингни (ношаръий ишлардан) сақланглар, кўзларингни (номақбул нарсаларга тушишидан) асранглар ва қўлларингни (бошқага озор етказишдан ёки гуноҳ иш қилишдан) тийинглар». Байҳақий ривоят қилган. Ўнг томондан бошлаш Яхши ишларни ўнг томон ила бошлаш Аллоҳ ва Унинг Расули Муҳаммад соллаллоҳу алайҳи васалламга мақбул амал ва ундан савоб умид қилинади. حَدَّثَنَا حَجَّاجُ بْنُ مِنْهَالٍ حَدَّثَنَا شُعْبَةُ قَالَ أَخْبَرَنِى أَشْعَثُ بْنُ سُلَيْمٍ سَمِعْتُ أَبِى يُحَدِّثُ عَنْ مَسْرُوقٍ عَنْ عَائِشَةَ - رضى الله عنها - قَالَتْ كَانَ النَّبِىُّ - صلى الله عليه وسلم - يُحِبُّ التَّيَمُّنَ فِى طُهُورِهِ وَتَرَجُّلِهِ وَتَنَعُّلِهِ. Оиша розияллоҳу анҳо дедилар: «Расулуллоҳ соллаллоҳу алайҳи васаллам покланишларида, сочларини тарашда, кавушларини кийишда ўнг томон (бошлаш)ни яхши кўрар эдилар». Бухорий ривоят қилган. حَدَّثَنَا النُّفَيْلِىُّ حَدَّثَنَا زُهَيْرٌ حَدَّثَنَا الأَعْمَشُ عَنْ أَبِى صَالِحٍ عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - «إِذَا لَبِسْتُمْ وَإِذَا تَوَضَّأْتُمْ فَابْدَءُوا بِأَيَامِنِكُمْ». Абу Ҳурайра розияллоҳу анҳу деди: «Расулуллоҳ соллаллоҳу алайҳи васаллам дедилар: «Кийинсаларинг, таҳорат қилсаларинг, ўнг томонларингдан бошланглар». Абу Довуд ва Термизий ривоят қилган. حَدَّثَنَا عَبْدُ اللَّهِ بْنُ مَسْلَمَةَ عَنْ مَالِكٍ عَنْ أَبِى الزِّنَادِ عَنِ الأَعْرَجِ عَنْ أَبِى هُرَيْرَةَ - رضى الله عنه أَنَّ رَسُولَ اللَّهِ - صلى الله عليه وسلم - قَالَ «إِذَا انْتَعَلَ أَحَدُكُمْ فَلْيَبْدَأْ بِالْيَمِينِ وَإِذَا نَزَعَ فَلْيَبْدَأْ بِالشِّمَالِ، لِتَكُنِ الْيُمْنَى أَوَّلَهُمَا تُنْعَلُ وَآخِرَهُمَا تُنْزَعُ». Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам дедилар: «Сизлардан бирингиз (оёқ кийим) кийса, ўнг томондан бошласин. Агар (оёқ кийим) ечса, чап томондан бошласин. Ўнг томон (оёқ кийим) кийилаётганда иккаласидан аввал, ечилаётганда иккаласидан охиргиси бўлсин». Бухорий ривоят қилган.