Расул ҳикмати – нажот калити
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Тадбир

Расул ҳикмати – нажот калити

Аждодларга муносиб авлод бўлиш, уларнинг бой меросларини ўрганиш мақсадида 28 ноябрь санасида Хадичаи Кубро аёл-қизлар билим юртида «Расул ҳикмати – нажот калити» шиори остида ҳадис фанидан мусобақа бўлиб ўтди. Билим юртининг тўртта босқич талабалари ўзларининг ҳадис фанидан олган билимларини қуйидаги йўналишлар бўйича синовдан ўтказдилар:

  1. Тезкор савол-жавоб. Ҳар бир босқичдан биттадан иштирокчи ҳадис, мусталаҳул ҳадис ҳамда сийратга оид саволларга тезкорлик билан жавоб қайтардилар.
  2. Расулуллоҳ соллаллоҳу алайҳи васалламни мадҳ этувчи гўзал салавот ижро этиш. Ҳар бир босқич вакили ўзининг бу йўналишдаги маҳоратини намойиш қилди.
  3. Дил изҳори. Пайғамбаримиз Муҳаммад алайҳиссаломга шеър, монолог, ҳикоя ҳамда мактуб тарзида дил изҳорлари, талабалар томонидан ёзилган шеърлар тақдим қилинди.
  4. Қизиқарли шарт. Ушбу шартда қоғозга ёзилган ҳикоя ва ҳадисларни тасвирий ифодалаб, ушбу ҳадисларни изоҳлаб берилди.
  5. Баҳрул ҳадис. Ҳар бир босқичдан иштирок этган талаба қизлар тўхтамасдан ҳадисдан баҳру байт айтишиб, устозлар олқишига сазовор бўлдилар.

Ҳакамлар билим юрти мудираси Н.Ибрагимова, билим юрти ўқув ишлари бўйича мудира ўринбосари А.Саидаҳмедова, араб тили ўқитувчиси С.Муҳамедходжаева ва ҳадис фани ўқитувчиси Д.Маҳмудова талабаларнинг фаол ва намунали иштирокини қуйидагича баҳоладилар:

1-ўрин: 2-босқичга

2-ўрин: 3-4 босқичларга

3-ўрин: 1-босқичга

Талабаларга қимматбаҳо совғалар билан бирга ҳадис фанига оид китоблар топширилди.

 

А.САИДАҲМЕДОВА,

 Билим юрти ўқув ишлари бўйича мудира муовини 

Мавзуга оид мақолалар
Бир пайтлар ўтиб кетган хатоларни ёдга олиб аёлингизни айбламанг. Хусусан, ўзгаларни олдида уни камсита кўрманг. Ўзини ислоҳ қилиб олиш фақат аёлларга тегишли давоми...

12:51 / 17.07.2023 1647
 Бугун 18 ноябрь 2018 йил санасида Ҳилолнашр нашриётининг анжуманлар залида Одинахон Муҳаммад Содиқ қаламига мансуб Қизларжон китобининг тақдимоти бўлиб давоми...

08:08 / 19.11.2018 2093
Иккинчи кун Оиламиздаги муносабатлар Албатта, жамиятимиздаги муносабатлар аввало оиламиздан бошланади. «Қуш уясида кўрганини қилади» дейишганидек, биз  давоми...

23:45 / 07.02.2017 3152
Аллоҳ, Байтинг насиб этгайсан Рухсоринг деб ҳарчанд уриндим, Сени тавоф қилай бир бора, Каъбатуллоҳ, сени соғиндим Фаришталар бошин эггандир, Иброҳимнинг қўли давоми...

22:21 / 24.02.2018 4359