Исломий ўйинчоқлар дўкони Британия бозорини эгалламоқда
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Исломий ўйинчоқлар дўкони Британия бозорини эгалламоқда

 02-11-2016-01Британиялик муслима аёл мамлакатда илк бор исломий ўйинчоқлар интернет-дўконини очиб, Буюк Британия бозорларида ҳозирча бўш турган бу соҳани тўлдиришга ва болаларга асл исломий қадриятларни етказишни ният қилди. «Болаларимизни эсини танигандан бошлаб тўғри эътиқодга асосланган ўйинчоқ ва китоблар билан тарбияласак, уларга чин исломий руҳиятни, диний қадриятларимизни сингдира оламиз», дейди у. Бирмингемда яшовчи икки фарзанднинг онаси бўлмиш Насрин хоним 2014 йили ўйинчоқлар уйини ташкил қилиб, шундан буён ўз маҳсулотларини бутун дунёга сотмоқда. Насрин хоним бир қатор исломий ўйинчоқлар ва болалар учун мўлжалланган товарлар савдосини йўлга қўйди. Муслима Барби, чиройли жойнамозлар, оят ва ҳадислар ёзилган лавҳачалар, араб алифбосини ўргатадиган кубиклар шулар жумласидандир. Бугунги кунга келиб, Насрин хонимнинг савдо айланмаси деярли икки баравар ўсиб, йилига 30 000 фунт стерлингни ташкил қилмоқда.

02-11-2016-02 Унинг айтишича, бундай ўйинчоқлар болаларни ёшликдан диний эътиқодга, эзгуликка, меҳр-мурувватга ўргатади. Дастлаб Насрин хоним ўзга юртда болалари учун мос ўйинчоқ топишга қийналган, шундан сўнг Ғарб бозорларида бу эҳтиёжни қондира оладиган товарлар йўқлигини кўриб, ўз бизнесини очган экан. «Бозорда бу соҳа бўшлигини кўриб, мусулмон болаларга мўлжалланган ўйинчоқлар ва китоблар ишлаб чиқариш билан шуғулланишга қарор қилдим ва Буюк Британияда биринчи марта исломий товарлар онлайн-дўконини очдим», дейди у. У ўзининг 130 дан ортиқ маҳсулотларини Манчестердаги исломий товарлар кўргазмасида намойиш қилишини режалаштирган бўлиб, улар орасида табрикномалар, жойнамозлар, ўйинчоқлар, кийим-кечаклар, озиқ-овқат ва косметика воситалари бор. «Мен болаларимизнинг диний тарбия олишларини, Исломни ўрганишларини, аждодларининг буюк меросини унутмасликларини истайман. Уларга бундай туйғуларни ёшликдан сингдириб борсак, улғайганларида душманлар уларни ҳақ йўлдан оздира олмайди», дейди Насрин интервьюда.

Виктория Федяшова  2016 йил 26 октябрь Манба: umma.news
Мавзуга оид мақолалар
Туркиянинг курортшаҳри ва университет маркази саналмиш Бодрум масжидининг имоми томонидан тарихий қийматга эга бўлмиш Қуръон қўлёзмаси топилди, деб хабар давоми...

19:37 / 29.12.2016 1216
«Ислом.уз»  таҳририятига келган мактублардан Ташаккурнома Ассалому алайкум Авваламбор, қоидаларни бузаётганим учун мeни кeчиринглар. Мeн сизларга савол давоми...

21:40 / 16.03.2017 4585
embedhttpswww.youtube.comwatchvOf5AGNFrBgIfeatureyoutu.beembed АЛЛОҲНИНГ КИТОБИДА ИБРАТЛАР БОР Оқил ва эркин банда Аллоҳ таоло Китобининг қонунчилиги ҳақида ўйлаганида уни Ўзининг расули давоми...

01:07 / 01.08.2017 1745
Ливиядаги ғалаёнлар тўхтамасдан давом этмоқда. Одамлар Ливияда қон тўкилишини тўхтатишни талаб қилмоқда. Якшанба куни норозилиги кучайган намойишчилар, Ливия давоми...

08:22 / 02.12.2016 1308