Товуқли коптокчалар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шом таомлари   [embed]https://www.youtube.com/watch?v=XXYaouFwUrE[/embed]

Товуқли коптокчалар

Ассалому алайкум! Хуш келибсиз! Бугун сизлар билан бирга товуқли коптокчаларни тайёрлашни ўрганамиз. Бизга керакли  масаллиқлар:

Қийма учун:

0,5 кг қайнатилган товуқ гўшти

2 дона қирғичдан чиқарилган пиёз

1 боғ майда тўғралган петрушка

2 ош қошиқ сариёғ

2, 3 бош эзилган саримсоқ

Турли хил тўплам зираворлар

Қизил, қора мурч ва туз керак бўлади.

Хамир учун:

2 стакан ун

2 стакан сут

0/5 стакан товуқ шўрваси. Агар сизда шўрва бўлмаса, ярим стакан сувга бир почка тайёр маги (галина бланка, ролтон)бульон кукунини аралаштириб  тайёрлашингиз мумкин.

Коптокчаларни пиширишимиз учун бизга яна толқон(яъни қуритилган нон майдаси) ва тухум керак бўлади.

Қиймани тайёрлашни бошлаймиз. Аввал товага сариёғни соламиз. Ёғ эригач, саримсоқни солиб, бироз қовурамиз, кейин пиёзни соламиз. Туз соламиз. Мурч ва зираворларни қўшамиз. Бироз қовурилгач, қизил мурчни соламиз ва ҳаммасини аралаштириб қовурамиз. Энди эса товуқ гўштини соламиз ва то гўштни суви чиқиб кетгунча қовурамиз. Қиймамиз пишгач унга майда тўғралган петрушкани қўшиб, аралаштирамиз. Мана, қийма ҳам тайёр бўлди.

Энди хамир тайёрлашга ўтамиз. Қозонга 1 қошиқ сариёғни солиб эритамиз. Кейин устига товуқли шўрвани, уни устидан сутни қуйиб ва оз-оздан унни солиб, ҳаммасини аралаштирамиз. Хамир бирлашиб мана бу шаклга келгунча аралаштиришни давом эттирамиз. Мана кўриб турганингиздек хамиримиз тайёр бўлди. Энди уни совитиб оламиз. Хамир  совигач, уни қўлимиз билан олиб бармоқларимиз билан мана бундай қилиб ёйиб чиқамиз. Ичига тайёр қиймани солиб, коптокча шаклида думалоқ қилиб тугамиз. Хоҳласангиз бошқача, масалан, қаламча шаклида тугсангиз ҳам бўлади. Энди тайёр коптокчаларни аввал тухумга ботириб, кейин толқонга ботирамиз. Қизиган ёғда қизаргунича қовуриб чиқамиз. Товуқли коптокчалар тайёр!

Кўриб турганингиздек қовурилгандан сўнг мана шундай чиройли тусга кирди. Энди буни кетчуп билан тановул қилишингиз мумкин. Ёқимли иштаҳа!

 
Мавзуга оид мақолалар
Бугун Узэкспомарказда Ахборот ва оммавий коммуникациялар агентлиги томонидан ташкил этилган «TASHKENT BOOK FEST 2019» I Тошкент Халқаро китоб кўргазмаярмаркаси ўз ишини давоми...

10:51 / 02.10.2019 692
 Ҳоли кўзингни очмайдиган ва мақоли сени Аллоҳга далолат қилмайдиган кимсани соҳиб тутма Суҳбат  сўзининг маъноси бизда араб тилидаги суҳбат ўзи билан бир хил давоми...

00:14 / 23.04.2018 1608
ҚУРЪОНГА МАКТУБ    Қуръоним менинг Сени ҳамма нарсадан ортиқроқ севаман. Чунки Сен оламлар Яратувчисининг Каломисан. Ҳар доим сени қўлга олганимда мадҳига давоми...

03:16 / 03.10.2017 2317
«Trend» агентлигининг хабар беришича, Грузиянинг Самтацкаро қишлоғида маҳаллий аҳоли мусулмонларга жума намозига йиғилишни тақиқлагани муносабати билан давоми...

08:16 / 24.12.2016 1047