Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бугун тонгда юртимиздан муборак Ҳаж сафарига отланган ҳожиларимизнинг дастлабки гуруҳлари Саудия Арабистонига учиб кетишди. Улар аввал Новза масжидида йиғилишиб, сўнгра махсус автобусларда Тошкент Халқаро Аеропорти томон йўл олишди. Аэропортда уларга бомдод намозини ўқиб, нонушта қилишлари учун барча шарт-шароитлар муҳайё қилинган экан. Ҳожиларимиз аэропортда янги тонгни қаршилаб, қуёш чиқишини кузатишди. Тошкент вақти билан соат 8.00 да тайёра Мадинаи Мунаввара шаҳрига йўл олди.
