Мусобақа олдидан интервью
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 

[gallery link="file" size="large" ids="15737,15738,15739,15740,15741"]

   Бугун 19 апрель куни «muslimaat.uz» ходималари қорилар мусобақасига оид олиб борилаётган танлов олди ишлари билан танишгани «Хўжа Аламбардор» масжидига боришди. Тайёргарлик ишлари жуда қизғин кетмоқда эди. У ердаги ҳар бир киши ўз вазифасини сидқидилдан ва пухта бажармоқда эдилар.

Масжидга танлов иштирокчилари бўлмиш қория қизларимиз ҳамда улар таҳсил олаётган билим юрти мудиралари ҳам ташриф буюришган экан. Фурсатдан фойдаланиб сайтимиз ходималари уларни суҳбатга тортдилар. Хадичаи Кубро ўрта махсус билим юрти мудираси Ибрагимова Нозима суҳбат чоғида қуйидагиларни гапириб бердилар:

«Билим юртимизда 2004 йилдан бери қориялар махсус тўгараги фаолият юритади. Биринчи курсга кирган қизлар орасидан ёдлаш қобилияти, ҳифзи, талаффузи, араб тилини билишига қараб қобилиятлилари ажратиб олинади ва улар билан тўрт йил мобайнида шуғулланилади. Шунинг учун «Қорилар мусобақаси» танлови – авваламбор, билим юртимиз талабалари орасидан энг иқтидорлиларини саралаб олиш учун зўр имкониятдир.

Қизларимизни Аллоҳнинг каломига бўлган эътибори, Қуръон ёдлашга катта масъулият билан ёндашишлари кишини ҳайратга солади. Бунга сабаб эса қизларимиздаги кучли ирода, масъулият ҳисси ва узлуксиз меҳнатдир.

Талабаларимиз орасидан танловда иштирок этиш учун муносиб номзодларни тайёрлаш ҳам енгил ишлардан эмас, албатта. Бу гуёки сочилиб кетган гавҳарларни бир тизимга йиғиш. Яъни сочма илмларини бир маромга келтириб, уларга сайқал бериш демакдир. Бу хусусда устозларимизнинг тутган ўрни беқиёс».

Суҳбат сўнгида Нозима Ибрагимова барча иштирокчиларга муваффақиятлар тилаб, Аллоҳнинг каломи ила бу дунёю охиратда юзлари ёруғ бўлишини тилаб қолдилар.

Шунингдек иштирокчи қизлар ҳам мусобақа олди ҳис-ҳаяжонлари билан ўртоқлашдилар.

«Бу оддий мусобақа эмас. Кўпчилик орасида Аллоҳнинг каломини зикр қилиш катта маъсулиятдир. Шунинг учун бўлса керак ҳаяжонлар ҳам ўзгача, қўрқув ҳам бор» – дейишди Тошкент Ислом институтининг номзод талабалари Сайдуллаева Назокат ҳамда Сатторова Солиҳалар.

«Жуйбори Калон» ўрта махсус билим юртининг номзоди Ўринова Муборак эса Аллоҳ таоло Қуръони Каримда «Қуръон ўқиган кишининг ғамлари кетади, кўнгил чигиллари ёзилади»,– дейилган. Шунинг учун ҳис-ҳаяжонларга берилмасликни барча иштирокчиларга таклиф қилишини айтди.

Хадичаи Кубро ўрта махсус билим юрти номзодлари Камолитдинива Ҳабиба ва Шуҳратова Марямлар мусобақада қатнашишдан мақсадларини ўртоқлашиб: «Қорилар мусобақаси – бу шунчаки билимларни синаш эмас. Балки танловга келганларнинг қалбларида Қуръонга нисбатан муҳаббат ва раҳмат уйғотишдир» – дедилар.

Суҳбат якунида барча иштирокчи қизлар устозларига ўз миннатдорчиликларини билдириб, уларнинг қилаётган меҳнатларига ажру савобларни Аллоҳдан сўраб қолдилар. 

muslimaat.uz

Мавзуга оид мақолалар
Бир аёл Довуд алайҳиссаломнинг ҳузурларига келиб сўради Эй Набий Роббингиз золим зотми ёки адолатлими Довуд алайҳиссалом Шўринг қурисин, эй аёл У зулм давоми...

04:55 / 18.01.2018 1854
Инсониятни Ўзининг ҳақ каломига мушарраф қилган Аллоҳ субҳанаҳу ва таолога ҳамду саноларимиз бўлсин Роббининг каломини умматига етказиб, унга амал қилишда давоми...

23:01 / 26.01.2017 1642
Расулуллоҳ соллаллоҳу алайҳи васалламнинг ҳадисларидан бирида шундай дейилади  Ҳасад ҳавас икки нарсада бўлади биринчиси Аллоҳ таоло бир кишига молдунё бериб, давоми...

01:42 / 26.10.2018 1817
Излай излай топганим. Бисмиллаҳир роҳманир роҳийм. Аллоҳ ҳақ субҳанаҳу ва таолога ўзининг ададича, фазлича, яратган ўн саккиз минг оламича ҳамду санолар давоми...

01:16 / 08.04.2019 2744