Ҳазрати Умар розияллоҳу анҳуга ўхшаш инсон эдилар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

   Расулуллоҳ соллаллоҳу алайҳи васалламнинг суюкли саҳобаларининг ичида Умар розияллоҳу анҳунинг ўринлари беқиёс эди. У киши Исломнинг қуввати, диннинг устуни, адолат ва тафаккур бобида ўткир зеҳн соҳиби эдилар. Расулуллоҳ соллаллоҳу алайҳи васаллам Ҳазрати Умар розияллоҳу анҳу ҳақларида, у кишининг ҳали Исломни қабул қилмасларидан олдин «...Умар (розияллоҳу анҳу)билан Исломни азиз қилгин»,  деб дуо қилганлар. Саъд ибн Аби Ваққосдан ривоят қилинган ҳадисда: Расулуллоҳ (соллаллоҳу алайҳи васаллам): «... етар эй, Ибн Хаттоб! Жоним қўлида бўлган Зот ила қасамки, шайтон бир йўлда кетаётиб, сени учратиб қолса, албатта, сенинг йўлингдан бошқа йўлга ўтиб олади», дедилар. Умар розияллоҳу анҳу ҳақларида, у кишининг таърифлари хусусида қанча тўхталмайлик, у кишининг маънавий хазинасини ишғол қилолмаймиз. Биз бугунги кунимизнинг Умар розияллоҳу анҳуга  ўхшаш инсони ҳақида тўхталмоқчимиз. Пайғамбар соллаллоҳу алайҳи васаллам: «Уламолар набийларнинг меросхўрларидир», дея айтган сўзлари қанчалар ҳақиқат эканини эътироф этмоқчимиз. Ҳақиқатдан ҳам, Пайғамбаримиз (соллаллоҳу алайҳи васаллам)га меросхўр бўлган олимлар қаторида Шайх Муҳаммад Содиқ Муҳаммад Юсуф ҳазратларининг ҳам номзодлари бор эди. У кишини шундай улуғласак, қалбимиз хотиржам тортади. Эл ичида ҳурмат қозониш, танилиш, юлдуз бўлиш осон, аммо мана шу юлдузлик мақомини муносиб соҳиби бўлиб, бирдек ҳурмат-эътибор билан, зуҳду тақво билан якунига етказиш ҳар кимга ҳам насиб этавермайди. Ҳар бир уламонинг Расулуллоҳ (соллаллоҳу алайҳи васаллам)дан бир суннатда ўхшаш эканликларини ёки у Зотнинг суюкли саҳобаларидан бирига ўхшаш хулқлари борлигини кўрамиз. Шайх Муҳаммад Содиқ Муҳаммад Юсуф раҳимаҳуллоҳ ҳам Умар (розияллоҳу анҳу)га ўткир зеҳн, улкан ҳайбат ва иймоннинг салобати билан ўхшаш эдилар. Ҳазратнинг маънавий-ижодий хизматларидан ташқари, халқ орасида у кишидан қолган таъсирли воқеалар ҳам гапирилиб турилади. Кимдир ҳазратни китобларини ўқиб мухлис бўлса, яна кимдир у киши билан умрида бир маротаба бўлса ҳам бир дастурхонда ўтирганини эслайди ёки кўрганини. Кимлардир ҳазратнинг олдиларида хизмат ила  кўп юрган бўлсалар, яна кимдир у зотни масжидларда ва амру-маъруфларда кўрганини фахр билан эслайди. Ҳар бирида ўзгача муҳаббат, ўзгача ихлос қозонади. Шайх ҳазратлари эл орасида амру-маъруф сабабли кўп хизматлар билан масжидларга, наҳорги ошларга, никоҳ тўйи ва бошқа маросимларга бориб турганликлари ҳаммамизга маълум эди. Диннинг ғами йўлида қай ўринда, қандай бўлса ҳам, Ислом маърифатини етказиш ташвиши билан юрардилар. Гоҳида одамлар орасида: «Шайх ҳазратлари билан бир столда ўтириб қолдим, амру-маъруф қилдилар, ўтирган жойимда вужудимни тер босиб кетди» ёки «Шайх ҳазратларининг зиёратларига борувдим, тилимга сўз келмай қолди...», «Ҳазратни бошқача тасаввур қилгандим, ўйлаганимдан ҳам ажойиб экан», деган сўзларни ҳозиргача эшитиб қолмоқдамиз. Оддий халқ орасида шундай туйилган бу ҳолатлар, ҳазратимизнинг иймони ва маърифатларининг ҳайбати эди. Бу нарса Умар (розияллоҳу анҳу)нинг олдида бегона кишилар қандай ҳолатга тушиб қолса, ҳазратимизнинг олдиларида ҳам шу ҳолатнинг кўриниши эди. Умар (розияллоҳу анҳу) илк бор жамоат намозини ташкил этишда ҳам улкан жасорат кўрсатганлар. Аллоҳ таоло Умар (розияллоҳу анҳу) билан Исломни азиз қилди. У кишини адолатлари билан мусулмонларни бирлаштирди. Фитна ва тафриқаларга барҳам берилди. Собиқ Иттифоқ Совет тузумидан кейин Аллоҳ таоло Шайх ҳазратимиз билан юртимизда яна қайта Исломни азиз қилди. Шайх ҳазратимизнинг адолатлари билан юртимизда масжидларнинг очилиши орқали халқимизни иймон-эътиқод йўлларини очди. Ҳаж ва Умра ибодатига кенг  рухсат олинди. Шайх ҳазратимизнинг адолатлари билан муқаддас китобимиз Қуръон халқимизнинг қўлига берилди. Уламоларни аҳли сунна вал жамоа мазҳабимизда бирлаштирдилар. Аҳли илм ва олимларни тафриқа бўлиб, турли ихтилофларга кетишидан қайтардилар. Халқимизнинг мусаффо Ислом эътиқоди ва анъаналарига ўргатдилар. Том маънода халқимизга Исломнинг тирик ҳужжати бўлдилар. Шараф билан айтамизки, араб миллатидан Умардек (розияллоҳу анҳу) саҳобий чиққан бўлса, ўзбек миллатидан бизнинг ҳам Умаримиз бор эди. Ҳазратнинг салобатлари ва шижоатлари Умар (розияллоҳу анҳу)га ўхшаш қувватли эдилар. Марҳум устозимиз, шайхимиз ва саййидимиз, Муҳаммад Содиқ Муҳаммад Юсуф раҳимаҳуллоҳнинг жойлари орзуларидек бўлсин. Аллоҳ раҳматига олсин!                 

Мавзуга оид мақолалар
Британиянинг Нюкасл дорилфунунида ижтимоий сўров ўтказилиб, унда ўттиз ёшдан қирқ ёшгача бўлган 200 эркак ва аёл қатнашди. Сўров иштирокчиларининг каттагина қисми давоми...

04:09 / 22.11.2016 1640
«Ҳаж» сўзининг луғавий маъноси «қасд қилиш» демакдир. Шаръий истилоҳда эса махсус амалларни маълум бир жойда, муайян бир вақтда адо этишни қасд қилишдир. ИЗОҲ давоми...

07:53 / 02.12.2016 1667
Эътибор берганмисиз, турли хил хонадонларнинг ҳидлари ҳам турлитуман бўлади. Кимнидир уйига кирсангиз, димоғингизга хушбўй ҳид урилади ва енгил, ёқимли нафас давоми...

09:15 / 26.01.2017 4429
Муҳаррам ойи ҳижрийқамарий тақвим бўйича йилнинг биринчи ойидир. Муҳаррам ойининг биринчи куни янги йилнинг бошланиш кунидир. Барчангизни ҳижрий 1442 йилнинг давоми...

11:11 / 20.08.2020 1125