Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Масаллиқлар: 4-5 та тухум, 4 ошқошиқ какао, 250 гр маргарин, 750 гр сметана (қуюқ), 1 та қабартма туз (разрыхлитель), 2,5 стакан шакар, ванилин, 4-5 стакан оқ ун.

1. Идишга сметана, 1 чой қошиқ сода, сирка солиб, юмшатгич (разрыхлитель) солинади ва яхшилаб аралаштириб олинади. 2. Маргарин, шакар, тухум, какао солиб, яхшилаб аралаштирилади ва устига сметана солиб, оз-оздан ун солиб, қуюқ бўтқа ҳолига келгунича аралаштирилади ва ёғланган газ плита листига ярмини солиб, ўрта оловда 30-35 дақиқа давомида пишириб олинади. Сўнг қолган иккинчи қисмини ҳам алоҳида, юқорида келтирилганидек пишириб олинади. Крем: 1та 250 гр.ли маргарин, 1та қуйилтирилган сут (сгущённое молоко), 2 ошқошиқ какао. Ҳамма масаллиқлар миксерда урилади ва нонлари совитилганидан кейин суриб чиқилади. Крем суришдан олдин четлари кесиб олинади ва урвоқ қилинади.