Тери саломатлигига доир маслаҳатлар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

  Аллоҳ таоло ҳар биримизга турли хил терини ато этган, кимдадир у мукаммал, кимдадир эса муаммоли. Ушбу мақолада биз тери турларини эмас, балки соғлом тери парвариши учун керак бўладиган асосий қоидаларни кўриб чиқмоқчимиз.

Гўзал тери ― унинг учун, албатта, қиммат косметик воситалар ёҳуд гўзаллик салонларига қатнаш эмас, асосийси ҳаёт тарзини ўзгартириш лозим. Биз доимо теримизни парвариш қиламиз, бироқ унинг кўриниши фақат ташқи парваришга боғлиқ эмас. Албатта, кремлар терининг ҳолатини яхшилайди. Лекин уйқу, кайфият ва ҳоказолар ҳам ўз таъсирини кўрсатади.

Қуйида соғлом терига доир бир неча маслаҳатлар берамиз: 1. Тўғри овқатланиш. Баъзи ёғ турлари терини озиқлантириб, уни ичидан юмшатади. Масалан, балиқ, ёнғоқ, зиғир ва яшил сабзавотларда бўладиган Омега-3 ёғ кислотаси. Яна овқат ва салатларга ўсимлик ёғларининг совуқ сиқимлисини(холодный отжим) қўшса, (масалан, зиғир, кунгабоқар, кунжут ва зайтун ёғлари) мақсадга мувофиқ бўлади.

Ҳолбуки, ёғли, қовурилган ва ярим тайёр маҳсулотлар зарарли ёғларга тўла. Терининг қуриши, яллиғланиши, ёрилиши ва ёғли ялтираши аниқ. Шоколад ва газли ичимликлардан ҳам воз кечган мақсадга мувофиқ. Агар буларнинг ҳаммасидан воз кечишингиз қийин бўлса, уларнинг зарарли таъсирини таомингизга лимон, занжабил ва куркума қўшиш билан сусайтиринг. Ҳаддан ташқари кўп ейиш ва доимо парҳезда юриш ҳам терининг ҳолатига ёмон таъсир қилади.

2. Уйқу. Мелатонин ҳақида ҳаммангиз эшитган бўлсангиз керак. Бу фойдали гормондан маҳрум бўлмаслик учун вақтида ётиб, уйқуга тўйиш лозим.

3. Кўпроқ сув ичинг. У моддалар алмашинувини тезлаштиради ва терининг ҳолатига яхши таъсир қилади. Тоза ҳавода сайр қилишни ҳам унутманг.

4. Тери парвариши учун воситалар танлаш. Терингиз турига қараб восита танланг ( тозаловчи, тетиклаштирувчи, юмшатувчи). Асосан, табиий косметик воситалардан фойдаланинг. Тозаловчи воситаларнинг аксариятида лаурилсульфат натрий моддаси бўлиб, терининг қуришига олиб келади. Тери парвариши учун воситаларни тўғри танланг ва ишлатишдан аввал таркиби билан танишиб чиқинг.

annisa-today.ru сайтидан олинди.

Мавзуга оид мақолалар
Францияда бўлиб ўтган мамлакатнинг энг катта исломий конференциясида 200 мингга яқин инсон йиғилди, деб хабар беради RFI нашри. 1922 апрель кунлари бўлиб ўтган Ле давоми...

04:07 / 22.04.2019 587
Сувли муолажалар билан ҳам кўпгина касалликларни даволаш мумкин. Фақат инсоннинг ўзида бунга озгина ихлос ва ишонч бўлиши керак. Сувли муолажаларга қуйидагилар давоми...

19:20 / 29.12.2016 2750
Аҳли сунна вал жамоа мазҳаби уламолари таърифида «Аллоҳ таоло одамлар ва ҳайвонлардан иборат Ўз махлуқотларига берган ва улар манфаат олган дунёвий ва ухровий давоми...

02:01 / 08.11.2016 1770
... Устига шаффоф топик билан на миниюбка, на «максипояс» деб бўлмайдиган нарсани илиб олган Қизгина, қаёққа шошиласан, нимани қидиряпсан Тўхта, ҳали кеч эмас, давоми...

04:33 / 22.11.2016 1929