Гуноҳи кабираларнинг бири – ота-онага бўйсунмасликдир
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Гуноҳи кабираларнинг бири – ота-онага бўйсунмасликдир

Оила қурган мусулмон киши учун энг катта ҳаётий масала бу хайрли зурриёд тарбиялашдир. Ҳадисларда хабар қилинадики, Қиёмат кунида Пайғамбаримиз Муҳаммад соллаллоҳу алайҳи васаллам ўз умматларининг кўплиги билан фахрланадилар. Шунингдек, айтиш керакки, солиҳ фарзандларнинг ўз ота- оналари ҳаққига қилган дуолари ота-оналарига охиратда улкан хайрлар олиб келади.

Ота-она ўз фарзандига бериши мумкин бўлган энг катта ҳадя бу унинг Ислом руҳиятидаги гўзал тарбиясидир.

Хабар қилинадики, Аллоҳнинг Расули (соллаллоҳу алайҳи васаллам) айтдилар:

«Тўрт тоифа инсон жаннатга кирмайди ва унинг роҳатини тотимайди: доимий равишда маст қилувчи ичимлик ичиб юрган киши, судхўрлик билан шуғулланган киши, етимнинг молини еган киши, ота-онасига бўйсунмаган киши» (Термизий).

«Аллоҳ оналарингизга яхши муносабатда бўлишингизни буюради.  Аллоҳ оталарингизга яхши муносабатда бўлишингизни буюради. Аллоҳ, шунингдек, сизларга қариндош-уруғлар билан яхши муносабатда бўлишни ва қариндошлик алоқаларини ушлаб туришингизни буюради».  (Ибн Можа).

«Кимга уч қиз фарзанд берилган бўлса,  у уларга яхши муносабатда бўлса, чиройли тарбия берса, уларга улғайгунларига қадар ғамхўрлик қилса, Жаннатга киради, агар кечирилмас гуноҳлари бўлмаса» (Термизий).

Гуноҳи кабиралардан бири  – ота-онага бўйсунмасликдир. Хабар қилинадики, Аллоҳнинг Расули (соллаллоҳу алайҳи васаллам) айтганлар:

«Қиёмат кунида Аллоҳ ўзи хоҳлаган бандаларини гуноҳлардан тозалайди. Бироқ инсон ҳаёти давомида ота-онасига бўйсунмаган бўлса, у ҳали ҳаётлик давридаёқ бунинг жазосини тортади» (Ҳоким).

«Ота жаннатнинг энг яхши эшигидан киришга ёрдам беради. Энди сен отангнинг ҳақларига риоя қилмай ёки бу эшикларга кириш имконини қўлдан чиқарасан ёки отангнинг ҳақларини адо этиб, бу эшиклардан кириш имконига эга бўласан» (Ибн Можа).

Islam-Today

Мавзуга оид мақолалар
Ҳурматли сайт ходимлари, мана Шайх Муҳаммад Содиқ Муҳаммад Юсуф ҳазратлари вафотларидан бир неча кун ўтган давоми...

08:09 / 03.02.2017 6413
ЭЛЧИЛИК ХАЛҚАРО ТОТУВЛИК АСОСИ     Бутун олам яратгувчиси бўлган Аллоҳ таолога беадад ҳамдлар ва давоми...

19:01 / 21.03.2017 3535
 Ушбу мавзу ҳақида кўп ва хўп гапириш мумкин. Билингки, одоб илм таҳсилидаги энг асосий омиллардан биридир. давоми...

21:20 / 02.02.2017 7774
Еттинчи кун... Ассалому алайкум Мана бугун еттинчи кун Рамазоннинг биринчи ҳафтаси ҳам ўтди. Бир ҳафта давоми...

19:20 / 02.06.2017 3848