Аллоҳнинг ваъдаси ҳақ!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бисмиллаҳир Роҳманир Роҳим

Аллоҳга чексиз илтижоларимиз ижобат бўлиб, Ҳаж сафарига бориш насиб қилиб қолди. Биз эр-хотин борадиган бўлдик. У пайтларда диний идора «Хасти Имом»да эди. Навбатдаги ҳожиларнинг йиғилишига бордик. Ҳаж сафарининг тўлови яна 100 долларга кўпайганини айтиб қолишди. Мендан муздак тер чиқиб кетди, чунки биз ҳамма пулимизни жамласак ҳам, етмас эди. Ва болаларимизни сут-қаймоқ билан маъмур қилиб турган она-бола сигиримизни ҳам сотиб пул жамғарган эдик. «Энди нима бўлади?», «Энди нима бўлади?»  деган савол миямда чарҳ урар эди.

Шунда бирдан «Мен қоламан, чунки болаларимнинг отаси, бир умр бизларни боқаман деб, оғир меҳнат қилиб келмоқдалар, у киши ҳажга боришга ҳақлироқлар. Мени эса насиб бўлса, Аллоҳим чақирса, болаларим олиб боришар»,– деган ўй келди миямга. Мен ўқитувчиман. Болаларга ҳарф танитиб, уларнинг саводларини чиқаришда, тер тўкиб меҳнат қиляпман. Шоядки, Аллоҳим шу норасидаларнинг кўнглига қараб, уларнинг инжиқликларини кўтарганимга ўз уйига меҳмон қилса, деб ўзимни юпатиб, йиғилишдан чиқиб келаётсам, тиқилинчда бир одам «Саида опа, мана буни олинг», деди-да, то мен орқамга қараб унинг кимлигини билгунимча оломонга қўшилиб кетди.

Менга фақат унинг мендан ёшроқ, ўғлим тенги йигит эканлиги овозидан маълум эди. Нима бериб кетди экан, деб кафтимни очсам не кўз билан қарасамки, ўша бизнинг сафаримизга етмай турган100 доллар пул эди. Мен нима қилишимни билмай саросималаниб қолдим. Бу пулни бериб сафарга кетолмас эдим, чунки Ҳаж сафарига ҳалол меҳнат билан топилган маблағ билан борилади. Шу пайт эсимга устозим тушдилар. «Улардан сўрайман», деган ўй келди хаёлимга.

У киши менга «Хадичаи Кубро» ҳотин-қизлар мадрасасида Қуръондан дарс берганлар, менга ҳажнинг фарз эканлигини ва унинг фазилатларини ўргатганлар. Улардан бўлган воқеанинг тафсилотини сўрадим. У киши: «Сизга ҳалол. Сизга Аллоҳнинг ўзи етказибди. Сизга бу пулни берган одамнинг бериё қилган ҳадясини олиб, ҳажга бораверинг ва у одамни сиз ҳам ғоибона дуо қилинг, токи Аллоҳим унинг бирига мингни берсин ва юртимизда шу каби Аллоҳ ризоси учун хайр-эҳсон қиладиган саховатли бойларимиз кўпаяверсин, деб Аллоҳнинг уйида дуолар қилинг, чунки Аллоҳим: «Мен учун ким бирни берса, мен унга ўнта қилиб қайтараман”, деган. .Аллоҳнинг ваъдаси ҳақ!» дедилар.

Мана шу суҳбатдан кейин мен болаларимнинг отаси билан Ҳаж қилиб келдим ва шу саҳоватпеша йигитни кўп дуолар қилдим:«Илоҳим юртимизда саҳоватли бойлар кўпаяверсин! Омин».

Ақидахон Зокирова

Мавзуга оид мақолалар
Инсон Аллоҳ таолога ибодат қилиб, Рамазон рўзасини тутар экан, тақво зинапояларидан кўтарилаверади. Лекин рўза тутган бўлса ҳам, ғийбат қилган, ёлғон гапирган, давоми...

02:00 / 10.11.2016 1525
embedhttpswww.youtube.comwatchvx662cm0J8yofeatureshareembed

18:03 / 22.01.2015 2861
      Макка ва Мадина шаҳарлари ўртасидаги тезкор  темир йўл линияси қурилиши якунига етмоқда.  «Haramain Express» экспресс поездини ишга тушураётган қурилиш компанияси давоми...

05:19 / 23.03.2017 2159
Грузия бош вазири Батумида масжид қурилиши борасида ҳеч қандай муаммоларни кўрмайди, деб хабар беради Тренд. «Мусулмонларга масжид керак бўлган ҳолда, нега энди давоми...

08:01 / 21.12.2016 1263