Гўдак тилидан (йигирма еттинчи кун...)
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Йигирма еттинчи кун...

Ассалому алайкум. Бугун Рамазоннинг йигирма еттинчи куни. Тобора ниҳоясига етиб бораётган ушбу муборак ой тезда ўтиб кетмоқда. Савобларни кўпайтириб олиш фурсати ҳам тугаб бормоқда.

Қани ким бу ойда савобли ишларни кўп бажарди. Бажарган ҳамма яхши ишларингиз ёдингиздами. Ундай бўлса яхши.

Кеча тунда қўшнимиз Иброҳим аканинг уйларига ўғри тушибди. Ҳеч ким йўқлигидан фойдаланиб кўп нарсаларни ўғирлаб кетибди. Иброҳим ака уйдагилари билан дадалариникига кетишган экан.

Йўлакда кетаётган эдим, зина олдида ўтирган эканлар. Кўринишларидан ҳафа эканликлари билиниб турарди. Аста ёнларига бордимда, чўчитиб юбормаслик учун пас овозда:

- Ассалому алайкум Иброҳим ака! - дедим.

У киши эса:

- Ва алайкум ассалом! Кел Муҳамаад Айюб! - дедилар.

Шунда мен:

- Иброҳим ака!? Уйингизга ўғри тушганига ҳафа бўлиб ўтирибсизми? - дедим.

У киши эса:

- Йўқ. Мен асло ўғриланган нарсаларимга ҳафа бўлмаябман. Мени ҳафа қилган нарса бу ўғриларнинг Рамазон ойида, бўлиб ҳам Қадр кечасида ўғрилик қилишларидир. Ахир бу кечада инсонларнинг бир йиллик тақдирлари ҳал бўладику. Наҳот улар шу нарсани тушунмасалар.

Инсон боласи бир йиллик умри қай тарзда ўтишини хоҳласа, ушбу кечада шундай ишлар билан машғул бўлмоғи керак. Масалан бир инсон бир йиллик умрини ибодат ва яхшиликлар билан ўтказмоқчи бўлса, қадр кечасини ҳам ибодату ҳайрли ишлар билан ўтказиши керак.

Ана шуларни ўйлаб ўтирган эдим. Аллоҳ инсоф бериб улар ҳам бу йўлларидан қайтсинлар деб дуо қиламиз энди Айюб, - дедилар.

Мавзуга оид мақолалар
Аёл киши турмушга чиқаётганда кўп ҳолларда маҳр ўрнида уй, ҳовлиер деб мулк ажратилмоқда. САВОЛ Ҳозирда аёл киши турмушга чиқаётганда кўп ҳолларда маҳр ўрнида уй, давоми...

07:39 / 04.12.2016 1432
Ўн учинчи кун... Ассалому алайкум азиз дўстларим Бугун муборак ойнинг ўн учинчи куни. Бугун сизлар билан ўқиган китобларим ҳақида суҳбатлашмоқчиман. Биласизми давоми...

10:56 / 08.06.2017 624
Интернетдаги баҳслар ҳақида... Инсон янги нарсани ўрганар экан, уни атрофидагиларга етказгиси келади. Айниқса, диний масалалар кўпинча одамнинг ҳиссиётлари билан давоми...

01:53 / 26.10.2018 418
Бисмиллаҳир роҳманир роҳим Тарбиявий муносабатларда  балоғат ёки бошқача айтганда ўтиш ёши ҳар доим энг қийини бўлиб келган. Бу муаммолар  жинсий етилишнинг давоми...

03:02 / 11.02.2017 1528