«Эрурсиз барча оламларга раҳмат, ё Расулуллоҳ!» танловининг 2-йўналишига келган 1-мақола
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Расуллуллоҳ алайҳиссаломни яхши кўришимизга 10 сабаб

  Ё Расуллуллоҳ, сизни нега яхши кўраман, мен ожизанинг сизга бўлган муҳаббати ўзидек ожиза бўлса. Сизни Аллоҳ суйган-ку, ё Расуллуллоҳ, сизни яхши кўриш ибодат-ку! Сиз оламларга раҳмат бўлиб келгансиз, ё Расуллуллоҳ, сиздан ўрганмадикми меҳр-мурувватни! Сизнинг юзингиз юзларнинг энг нурлиси, ё Расуллуллоҳ! У юзни кўрмоқ учун моллар фидо, жонлар фидо! Сиз эмасми болаларни суюб-ардоқлаган, уларни жаннат райҳонлари деган, ё Расуллуллоҳ, болажон бўлишни сиздан ўргандик! “Умматим, умматим!” деб ўтдингиз, ё Расуллуллоҳ, сизга лойиқ уммат бўлиш орзусида яшаймиз! “Шафоатим умматимдан гуноҳу кабиралар қилганларгадир”, дедингиз, ё Расуллуллоҳ, шафотингиздан умидвормиз! Сизга салавот айтганга Аллоҳ ҳасанотлар беради, ё Расуллуллоҳ, эртаю кеч саломларда бардавоммиз! Сиз Аллоҳнинг раҳматидан умидвор бўлишни ўргатдингиз, ё Расуллуллоҳ, Фирдавс жаннатларида бўлишни умид қиламиз! 

Сиз буюк хулқ соҳибисиз, ё Расуллуллоҳ, сизнинг хулқингиз билан хулқланишни ният қиламиз! Сиз аёлларнинг, қизларнинг қадрини баланд кўтардингиз, азиза қилдингиз, ё Расуллуллоҳ, сиз туфайли бугун муслималар бошлари баланд, аёл бўлганидан хурсанд! Аллоҳим, беҳисоб салавоту саломлар бўлсин суюкли Пайғамбаримиз Муҳаммад Мустафо соллаллоҳу алайҳи васалламга! Ул зотга фазлингни, васлингни, жаннатдаги Мақоми Маҳмудни бергин! Ассалому алайкум ва раҳматуллоҳу ва барокатуҳ!

Садия Туҳфаева

 
Мавзуга оид мақолалар
Сукут бу, сўзлашиш илмидаги энг қийин илмдир.  Мишмиш товуш тезлигидан ҳам тез тарқалувчи нарса.  Мунофиқ борингда сени мақтайди, йўғингда сенга хиёнат давоми...

01:03 / 25.01.2017 1929
Улар Парвардигоро, хотинларимиздан ва зурриётларимиздан бизларга кўз қувончини бахш эт. Ва бизларни тақводорларга пешво қилгин дейдиган кишилардир Фурқон давоми...

23:03 / 02.02.2019 646
Амр ибн Шуъайбнинг бобосидан ривоят қилинди «Бир аёл қизи билан бирга Расулуллоҳ соллаллоҳу алайҳи васалламнинг ҳузурларига келди, қизининг қўлларида олтин давоми...

19:44 / 23.11.2016 1673
Бисмиллаҳир роҳманир роҳим. Ассалому алайкум ва раҳматуллоҳи ва барокатуҳ «Рамазон суҳбатлари» ни қуришда давом этар эканмиз, бугун кечаги мавзу давоми...

21:28 / 08.02.2017 1324