Мухтасар ҳанафий фиқҳи «Беҳишти зевар» ТАҲОРАТГА ОИД
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

16-масала

Агар бир кишининг қўли ёки оёғида жароҳат бўлса-ю, сув унга зарар етказадиган бўлса, (таҳоратда жароҳатнинг) устидан сув оқизмайди, балки унинг устидан нам қўли билан масҳ тортади. Агар масҳ ҳам зарар етказса, жароҳатни қолдириб, қолган жойларини ювади.

17-масала

Агар жароҳат устида боғич[1] бор бўлиб, уни ечиш жароҳатга зарар еткизса ёки уни ечиб, боғлаш машаққат туғдирса, ечиш лозим бўлмайди, балки устидан масҳ тортиб қўйиш кифоя қилади. Агар зарар еткизмаса ва машаққат бўлмаса, уни ечиш лозим бўлади ва жароҳат устидан масҳ тортилади.

18-масала

Агар боғич жароҳат жойидан кўпроқ жойни эгаллаган бўлса ва боғични ечиш зарар берадиган ёки машаққат келтирадиган бўлса, боғичнинг устидан масҳ тортади. Агар зарар бермаса ёки машаққат бўлмаса, боғични ечиб, жароҳатга масҳ тортади, бошқа жойларни эса ювади.

19-масала

Агар кишининг суяги синган бўлиб, унинг устидан тахта боғланган бўлса, ёки қон олинган бўлиб, қон олинган жой боғич билан боғланган бўлса, бунинг ҳукми худди ўтган икки масала каби бўлади. Агар қон олинган жойга ёки жароҳатга бир парча мато қўйиб, устидан боғич боғланса, агар боғични зарар етказмай ечиш имкони бўлса, уни ечиб, матонинг устига масҳ тортади. Агар имкони бўлмаса ёки машаққат туғдирса, боғичнинг устидан масҳ тортади.

20-масала

Боғич ёки тахтанинг ҳаммасига (тўлиқ) масҳ тортиш афзалроқ. Аммо аксар (кўпроқ) қисмига масҳ тортиш ҳам жоиз. Ярми ёки ярмидан озроқ қисмига масҳ тортиш жоиз эмас.

Ашраф Али Таҳонавий


[1]     Боғич: жароҳат боғлаб қўйиладиган дастрўмол ёки мато

Мавзуга оид мақолалар
Оиша ишдан келган дадасининг қучоғига отилди. Лекин ота ишдан чарчаб келган ва қизининг эркаликларини кўтаргани сабри етмасди. Қизи эса отасининг эътиборини давоми...

09:05 / 24.11.2016 3498
Буюк Британиянинг Эйлсбери ўрта мактабида таълим оладиган 11 ёшли муслима Тара Шарифий IQ Менса тестида 162 баллни қўлга киритди. Бу натижа билан у жуда ҳам ақллилик давоми...

23:48 / 01.07.2019 596
gallery linkfile ids3689,3690  Устоза Руқайя Абдуллоҳ Ҳажрий ҳамда Устоза Нура Зийкож «Хайрия ишларида аёл кишининг ўрни» конфeренциясининг биринчи кунидаги кечги қисми давоми...

23:53 / 27.01.2017 1797
embedhttpswww.youtube.comwatchvdKmzpF4wfkembed

04:01 / 16.06.2017 922