Аллоҳ таолога энг маҳбуб исмлар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло: «Уларни ўз оталари номи билан чақиринглар. Ана шу Аллоҳнинг наздида тўғридир. Агар оталарини билмасангиз, улар сизнинг дин қардошларингиз ва дўстларингиздир», деган.

Бу оят нозил бўлгунча, одамлар бировнинг боласини ўғил қилиб олиб юрганлар. Инсонлар жамиятдаги мавжуд тушунча, урф-одатлар ила иш тутишган. Энди эса оят нозил бўлиб, бу одатни ботил қилди. Ўз-ўзидан одамларда, «Нима қилиш керак?, «Аввал асраб олинган фарзанд хусусида нима қиламиз?», «Олдинги ишларимиз учун ҳам жавоб берамизми?» каби саволлар пайдо бўлади. Ушбу ояти карима ана шу саволларга жавоб бермоқда.

«Уларни ўз оталари номи билан чақиринглар. Ана шу Аллоҳнинг наздида тўғридир». Яъни асраб олинган фарзандларни асраб олган одамнинг номи билан эмас, ўзининг ҳақиқий отаси номи билан чақиринглар. Имом Бухорий ва имом Муслимлар ўз китобларида Ҳазрати Абдуллоҳ ибн Умар розияллоҳу анҳудан қуйидагиларни ривоят қиладилар: «Расулуллоҳнинг мавло-дўстлари Зайд ибн Ҳорисани фақат «Зайд ибн Муҳаммад» деб чақирар эдик. Қуръони Каримнинг «Уларни ўз оталари номи билан чақиринглар. Ана шу Аллоҳнинг наздида тўғридир» ояти нозил бўлганидан кейин Расулуллоҳ соллаллоҳу алайҳи васаллам Зайдга: «Сен Зайд ибн Ҳориса ибн Шарҳабийлсан», дедилар». «Агар оталарини билмасангиз, улар сизнинг дин қардошларингиз ва дўстларингиздир». Мабодо, асраб олинган боланинг ҳақиқий отаси ким эканлиги маълум бўлмаса, улар сизга Ислом дини бўйича қардош бўладилар. Дин қардошим, деб мурожаат қилинглар. Ёки мавло-дўстларинг бўладилар. Эй дўстим, деб мурожаат қилинглар. Аммо зинҳор, ўғлим, фарзандим, деб мурожаат қилманглар. Демак, ҳар кимни ўз исми ва ўз отасининг исми билан аташ керак.

Абу Дардо розияллоҳу анҳудан ривоят қилинади: «Набий соллаллоҳу алайҳи васаллам: «Албатта, сизлар қиёмат куни исмларингиз ва оталарингизнинг исми ила чақирилурсизлар. Бас, исмларингизни гўзал қилинг», дедилар». Абу Довуд ривоят қилган.

Ибн Аббос розияллоҳу анҳу: «Албатта, Аллоҳ қиёмат куни одамларни ўз бандаларини сатр қилиш учун оналарининг номи ила чақирур», деди». Тобароний ривоят қилган. Шарҳ: Баъзи бир тоифа одамларни айбини беркитиш учун онасининг номи билан чақирилиши ҳам мумкин экан. Шунинг учун оналарнинг номлари ҳам гўзал бўлиши яхшидир.

Ибн Умар розиаллоҳу анҳудан ривоят қилинади: «Албатта, Аллоҳ учун исмларингизнинг энг маҳбублари Абдуллоҳ ва Абдурроҳмандир», дедилар». Муслим,Термизий ва Абу Довуд ривоят қилган.

Абу Ваҳб ал-Жушаъий розияллоҳу анҳудан ривоят қилинади: «Набий соллаллоҳу алайҳи васаллам: «Анбиёларнинг исмлари ила номланинглар. Аллоҳ учун исмларингизнинг энг маҳбублари Абдуллоҳ ва Абдурроҳмандир. Энг содиқ исмлар Ҳорис ва Ҳаммомдир. Исмларнинг энг қабиҳи Ҳарб ва Муррадир», дедилар». Абу Довуд ва Насаий ривоят қилган. Шарҳ: Ҳорис – касб қилувчи. Ҳаммом – аҳамият берувчи. Ҳарб – уруш. Мурра – аччиқ. Ўтган ҳадиси шарифлардан яхши исмлар уч даражага бўлиниши аён бўлмоқда; 1. Абдуллоҳ, Абдурроҳман ва шунга ўхшаш Аллоҳ таолога бандалик ва ҳамд маъносини англатувчи Абдурроҳим, Абдуссалом, Ҳамидуллоҳ, Азизуллоҳ каби исмлар. 2. Анбиёларнинг исмлари. Муҳаммад, Аҳмад, Иброҳим, Исҳоқ, Юсуф кабилар. 3. Эзгуликни акс эттирувчи маънодаги ҳамда ўтган азизлардан қолган яхши исмлар. Саҳобаи киромлар, машҳур имомлар ва Ҳорис, Ҳаммом каби исмлар.

Мавзуга оид мақолалар
Бир куни Умар розияллоҳу анҳу тунда Ибн Аббос розияллоҳу анҳу билан бирга кўринишини ўзгартириб, Мадина атрофидаги аҳолининг ҳолатини текшириш учун чиқдилар. давоми...

03:08 / 15.12.2016 2746
Яхши кир ювиш воситаси тозалик гарови саналади. У ювилаётган мато ҳиди ва сифатини кўнгилдагидек қилиши лозим. Кир ювишда эса иш бажарувчининг тажрибалилиги давоми...

20:38 / 25.01.2017 4158
gallery linkfile sizemedium ids15707,15708,15709,15710,15711,15712,15713,15714,15715,15716,15717,15718,15719,15720,15721  

20:16 / 19.04.2016 3701
Масаллиқлар 500 гр балиқ 1 кг картошка 350 гр помидор 100 гр пишлоқ майонез туз мурч Тайёрланиши Балиқни майда бўлакларга бўлиб оламиз Туз ва давоми...

19:26 / 19.11.2016 3055