Саккиз — тўққиз ёшли боланинг жисмоний ҳолати

0 1 496

8 — 9 ёшда бола ҳали ўсишда давом этади. Бироқ ҳали балоғат ёшига ўтиш даври келмади. Бу пайтда бола организми ҳали “болаларга хос”, катталарникига ўхшай бошлагани билан, ҳали нозик. У тўлақонли дам олиш, тиниқиб ухлаш (бир суткада ҳеч бўлмаганда 9 соат) ва тўғри овқатланишга эҳтиёж сезади. Иккинчи — учинчи синфларда мактаб дастури қийинлашади, бу пайтда кўпчилик болалар атрофдаги нарсаларни сезмай, батамом ўқишга шўнғиб кетишади.

Ўқувчининг иш жараёнига, яъни ўқишига доимий равишда аралашиб туриш тавсия этилмайди, бироқ ундан четланиш ҳам тўғри эмас. Бу ёшда болангизнинг ҳар кунги сайр ва спорт билан шуғулланишини  таъминланг. Бола организми ўсаяпти ва ривожланаяпти, ҳаракатсиз унга қийин. Болангиз бир ёки икки йил илгари қанча ҳаракат қилганини эсланг. Ҳозир бола кўп вақтини дарс тайёрлаш билан ўтказади, жисмоний фаолликка эса деярли вақти қолмайди.  Бу пайтда эса боланинг суяклари ва мушаклари шаклланишда давом этади ва доимий ҳаракатга мухтож. Ўтроқ ҳаёт тарзи ҳамиша ва ҳаммага, айниқса болаларга зарарлидир. Бу ҳолат бош оғриғи, кўриш қобилиятининг ва иммунитетнинг пасайишига сабаб бўлиши мумкин. Шунинг учун бу ёшда кунига икки соатлик сайр унинг учун мажбурий бўлиши лозим.

muslimaat.uz

Баҳам кўринг

Leave A Reply