Қозоғистонга Қуръон мусҳафининг ноёб нусхаси олиб келинади

0 1 062

Британия музейида сақланиб келаётган султон Байбарис Қуръонининг нусхаси Қозоғистонга олиб келинади. Ҳозирда мусҳафнинг электрон нусхасини олиш тўғрисида музокаралар олиб борилмоқда. «Кейинги саҳифани оч» лойиҳаси доирасида Англияда қадимий китоб ва қўлёзмаларнинг электрон  нусхаларини яратиш ишлари йўлга қўйилган.

«Қозоқ халқи тарихини бирма-бир йиғар эканмиз, бу каби ноёб китобнинг электрон нусхасига эга бўлиш борасида музокаралар олиб  боряпмиз. Мусҳаф кутубхонамиздаги китоблар музейининг нодир экспонатига айланади, дея умид қиламиз», — деб тушунтирди Қозоғистон Республикаси Миллий академик кутубхонасининг раҳбари Умутхан Муналбаева.

Султон Байбарис Қуръони 1304-1306 йилларда Қоҳирада етти жузда чоп этилган ҳамда мамлуклар қабиласи ҳукмдори шарафига номланган. Бу ажойиб китоб, ҳаттоки, Британия  кутубхонасининг улкан коллекцияси орасида ажралиб туради. У нафақат гўзал безаклари, балки бой тарихи билан ҳам фарқланади.

Мусҳафни ўша вақтдаги юқори лавозимга эга бўлган сарой амалдори Байбарис ал-Музаффар Рукн ад-Диннинг буюртмасига биноан, ҳаттот-котиб Муҳаммад ибн ал-Воҳид, рассомлар Муҳаммад ибн Мубадир, Ойтуғди ибн Аллоҳ ал-Бадри ва ҳоказолар яратишган. Кейинчалик бу буюртмачи амалдор султон Байбарис II, Миср мамлуклари ҳукмдори бўлган.

манба: islamisemya.com

Баҳам кўринг

Leave A Reply