Ялпизли чой
Сархил ялпизнинг хушбўй ҳидию чучук таъмини берадиган чойни ичмабсиз – дунёга келмабсиз. Мутахассисларнинг таъкидлашича, бу чойни тез-тез истеъмол қилиб туриш ошқозон фаолиятини бузилишидан асраб, қориндаги турли санчиқлардан фориғ этади. Унинг иштаҳа очиш ва ҳазми таомдаги фойдаси хусусида-ку қанча гапирмайлик, барибир, оз. Ялпиз турли спазмларни бир зумда қолдирувчи доривор ўсимлик бўлиб, мушак зўриқишини тезда бартараф этади. Асосийси, ялпиз таркибида калория берувчи модданинг мутлақо йўқлигидир. Клюква шарбати
Милк касаллигини олдини олиш ва сийдик йўлларидаги инфекцияларни йўқотишда мазкур шарбатнинг аҳамияти беқиёсдир. Аммо унинг таркибида қанд моддаси кўп бўлиб, шу жиҳатдан организмга зарар етказиши мумкин. Шу боис, шарбатни кунига бир стакандан ортиқ истеъмол қилиш тавсия этилмайди. 250 грамм шарбат таркибида 140 ккал. мавжуд.
