ГОЛЛИВУД ЮЛДУЗИ ҲИЖОБ ЎРАДИ

0 846

Лондонда бўлиб ўтган сипо мода ҳафталигида (London Modest Fashion Week) Голливуд актрисаси Линдси Лохан кутилмаганда ҳижобда пайдо бўлди. Хабарларга кўра, қора шойи рўмол ўраган актриса кўп вақтини саудиялик либос дизайнери Самоҳ Ҳашшогий билан мулоқотда ўтказган. “Хава Косметик” компанияси вакилининг таъкидлашича, Лохан энди фақат ҳалол косметик воситалардан фойдаланаётганини айтган. У кўп вақтини Дубайда ўтказмоқда, ҳатто унинг Исломни қабул қилгани ҳамда сипо мода феномени ҳақидаги семинарларга қатнашиб, муҳокамаларда иштирок этгани ҳақида миш-мишлар юрибди. Бу йилги Сипо мода ҳафталигида жаҳоннинг йигирма нафар мамлакатидан иштирокчи дизайнерлар ташриф буюрган бўлиб, жумладан, муслималар учун либослар соҳасида ижод қилиб келаётган Амал ар-Раисий, Фотима Айюб каби таниқли дизайнерлар ҳам қатнашдилар. Маросимда фақат узун либос ва рўмолларгина эмас, балки спорт ва дам олиш учун мўлжалланган кийимлар ҳам тақдим этилди. Кўргазма ташкилотчиларидан бири Романна бинт Абубакр шундай дейди: «Лондонда бўлиб ўтган сипо либослар ҳафталиги мода оламида анъаналарнинг ва инқилобий ғояларнинг кучини намоён этди».

 

Баҳам кўринг

Leave A Reply