Дубайда дунёдаги илк эко-масжид қурилиши якунланмоқда

0 400

Дубайда дунёдаги биринчи экологик тоза масжид қурилиши тугалланмоқда. Gulfnewsнинг хабар беришича, лойиҳанинг 85% қисми амалга ошириб бўлинган. Янги эко-масжид бошқа ибодат уйларидан ноодатий дизайни билан фарқ қилади. Бу дизайн кўп миқдорда электр қуввати сарфини тежаш имкониятини беради. Бинода қулай ҳароратни ушлаб туриш учун замонавий технологиялардан фойдаланилади. Ўзи қоронғилаштирадиган ойналар қуёш нури тушишини меъёрлаштириб туради, бино безакларининг ноёб хом-ашёлари эса хоналарда салқинликни сақлаб туришда ёрдам беради. Ҳудудда қуёш батареялари ўрнатилиши кўзда тутилган, ишлатилган сувлар ҳам қайта тозаланади. Маълум вақт ўтгач эса, қайта ишланган сувдан суғориш ва истеъмол учун фойдаланиш мумкин бўлади. Мазкур эко-иншоот Дубайдаги энг каттаси бўлиб, 10.000 кв. метр майдонни эгаллайди, ички ўлчамлари эса 4,2 минг кв.метрни ташкил қилади. Олдиндан қилинган ҳисоб-китобларга кўра, масжид 3500 мусулмонга мўлжалланган бўлади.

islam.ru сайтидан олинди.
Баҳам кўринг

Leave A Reply