Токли дўлма

0 772

Ассалому алайкум!

Бугун сизлар билан янгича ток дўлмасини тайёрлаймиз.

Керакли масаллиқлар:

2ош қошиқ томат пастаси

 турли хил зираворлар ,

лимон суви ,туз ,

2ош қошиқ анор қиёми ,

1чой қошиқ қуруқ майдаланган қаҳва,

2 бош эзилган саримсоқ,

қурутилган ялпиз,

ток барги , қирғичдан чиқарилган 2та катта пиёз,

памидор , петрушка , 0,5 кг гурунч ҳамда  зайтун ёғи

Тайёрланиши: Ушбу масаллиқларни барчасини қовуриб оламиз. Қозонга зайтун ёғини солиб сўнг   пиёзни солиб устидан озгина туз сепиб бироз муддат қизартирмасдан қовурамиз. Туз пиёзни тезроқ қовурилишига ёрдам беради. Энди эзилган саримсоқ пиёзни сўнг кетидан томатимизнинг яримини ва қолган масаллиқларни устма-уст қўшамиз . Помидор бироз қовурилгач гурунчни соламиз.  Сиз албатта гурунчни солишингиздан олдин қовурган масаллиқларингизни тузини , нордонлигини табингизга кўра ростлаб олинг .

Гурунч устидан тўғралган петрушка ва анор қиёмини қўшамиз.
Тайёр бўлган масаллиғимизни ток баргига мана бундай шаклда ўраймиз. Токни димлайдиган қозон остига картошка тердим, сиз эса ўзингиз истаганингиздек пиёз , сабзи ёки помидор ҳам терсангиз бўлади. Токни қозонга доира шаклида зич қилиб териб чиқамиз. Энди, бир коса сувга томат ва туз қўшиб яхшилаб аралаштириб қозонга қуямиз. Яна озгина анор қиёми ҳам солиб , устидан ботар ботмас сув қуямиз, сув қайнаб чиққандан кейин ҳам 10 дақиқа ёки ундан кўпроқ муддат, токи гурунч сувни тортгунга қадар қозоннинг қопқоғини очиқ ҳолда қайнатамиз. Бирозгина суви қолганда қопқоғини ёпиб 1соатга яқин паст оловда димлаймиз. Мана таомимиз ҳам тайёр болди . Бу таом газак сифатида совуқ ҳолда тортиладиган шом таомларидандир. Сизга ёқади деган умиддамиз , албатта тайёрлаб кўринг.

Ёқимли иштаҳа!

Баҳам кўринг

Leave A Reply