Ассалому алайкум. Нифос ҳолатида болани таҳорат қилиб эмизишлик тўғрисидаги саволимда " Ҳайз , нифос ва уйқу пайтида инсон таҳорталик бўлмайди ", деб жавоб берган экансиз. Тушунишимча бунинг сабаби нифос ҳолатида нопок бўлишимиз ва ғусл вожиб бўлганлиги боʼлса керак.
Турмуш ўртоғимга жавобингизни кўрсатганимда бир нарсага тушунмадик. Яʼни яқинлик қилинганидан кейин ғусл вожиб бўлганида, Расулуллоҳ соллаллоҳу алайҳи васалламнинг, яқинликдан кейин ғусл қилинмаса ҳам таҳорталик ҳолатда ужҳлаш кераклиги мазмунидаги ҳадисларига қандайдир мос келмагандек тушундик. Бундан ташқари олдинги саволимни сиздан сўрашимдан аввал турмуш ўртоғим фатво.уз салл марказига қўнғироқ қилиб бу ҳақида сўраганларида, таҳоратлик ҳолатда эмизишлик тўғри эканлигини айтишган экан. Шуларга ойдинлик киритиб берсангиз, жазакаллоҳу ҳойрон.
– Ва алайкум ассалом! Керакли жавобни бериб бўлинган. Таҳорат асосан ибодат учун шарт қилинган. Бола эмизиш учун таҳорат шарт қилинганлиги ҳақида ҳукм йўқ. буни доимий қилиш имкони ҳам йўқ. аммо имкон қадар таҳорат билан эмизишга ҳаракат қилиш яхши. Бу тарбиявий жиҳатдан яхши. Ҳайз ва нифос покликка зид ҳолат, бу иккиси билан таҳорат ҳам ғулс ҳам жам бўлмайжи. Аммо жунублик давом этмайдиган ҳолат, уни бир бор ғусл билан кетказиш мумкин. Шу сабаб жунуб ҳолатида эмизмай, ғуслдан кейин эмизиш кераклиги айтилади. Валлоҳу аълам!
