Ассалому алайкум! Аллахим жаннатнинг Олий макомлари билан сийласин Сизни ! Мен илм излаб (мен турган шахарда диний илм берувчи мадрасалар йук) яшаб турган шахримдан бошка шахарга салкам 3.5 соатлик йул у ёкка ва 3.5 соатлик йул уйга (оркага) бориб келаман. Бу йул узок булгани учун электричкада катнайман. Ва базида айнан йулда пайтимда намоз вакти булади. Кетаётган электричкада буш жой булмайди купинча , булса хам вагон ичида куп эркаклар булади. Бундай холатда мен намозни утириб укийманми ёки эркаклар ичида тулик укийманми? Очиги эркак олдида эгилиш жуда нокулай. Хамда бу холатда айнан киблага юзланиш имкони хам йук. Ёки буларни барчасини инобатга олган холда казо килиб, уйга борганда укийманми? Агарда саволим такрорланган булса минг бор узр. Узим саволлар ичида излаб тополмадим шу учун саволни йуллаябман.
– Ва алайкум ассалом! Сиз намозни тўлиқ туриб ўқийсиз. Агар ўтириб ўқисангиз сизни намозингизда икки фарз топилмайди. Қиём ва қибла. Бу икки фарз тарк бўлиши намозни адо бўлмаслигига сабаб бўлади. Жой топиб туриб, қиблани тайин қилиб ўқишингиз керак. Валлоҳу аълам!
