Ассалому алайкум. Оила қурганимдан бери ўзимнинг оилам менга моддий томонлама ёрдам беради. Эримни оилавий шароити оғир бўлгани учун, ёшлар қийналмасин деб шахар марказидан 3 хоналик уй ҳам олиб беришди. Эримни қанақа қарзи бўлса мени оиламдагилар ёрдам бериб узишади. Онам билан қўшни бўлганим учун эрим уйга рўзғор ҳам қилмас эди. Овсиним сабаб жанжаллашиб қолдик, менга қўл кўтардилар, шовқинни эшитиб. онам чиқибди. Иккаламизнинг жанжалимизни ажратмоқчи бўлганди, эрим онамни ҳам уриб кетди.Чидолмадим, жавобимни сўрадим, бунинг гуноҳи қандай, уни кечиролмайман.
– Ва алайкум ассалом! Аввало ота онангиз томонидан таъминот бўлиши катта хато. Онага қўл кўтарган одамдан яхшилик кутиб бўлмайди. Шундай бўлса ҳам қарор қилишга шошилманг. Ўзини ислоҳ қиладиган бўлса имкон берган яхши.Валлоҳу аълам!
