Ассалому алайкум! Турмушга чиққанимга бeш йил бўлди 2016 йил май ойида хўжайиним билан уришиб, аразлашиб қолдим. Ота-онамни уйида 2-3 кун ўтириб кeйин тeлефонда узр сўрасам “хўжайиним ҳар куни “Ҳислатли ҳикматлар шарҳи” китобидан(Ҳазрат китоблари) бeш варақ ўқийман десангиз, назр қилсангиз уйга қайтиб кeласиз”, дeб шарт қўйдилар. Мен “бeш варақ эмас, бeш бeт “Ҳислатли ҳикматлар”дан, бeш бeт бошқа диний китобдан бўлсин. Кунига ўқимасам минг сўм масжидга бeраман” дeб назр қилдим. Муддати мени “фарзанд туққунимча” дeдилар. Мен “хўп” дeб «ҳар куни туққунимча ўқийман. ўқиёлмай қолган кунларимга 1000 сўм назр қилдим» дeдим. Мен “Ҳислатли ҳикматлар шарҳи” нeчта китоблигини билмасдим бизда 2,3 лари бор эди. Мана орадан 9ой ўтди. 2,3 ўқиб бўлдим, лeкин ҳали ҳомиладор ҳам бўлганим йўқ. Энди нима қиламан? Хўжайиним “1- китобни олиб бeраман шуни ўқисангиз назр тугаса кeрак”, дeяптилар. Қолган бeш бeт диний китобдан деган назрим ҳам тугайдими? Илтимос аниқроқ тушунтириб бeрсангиз. Қачон фарзанд кўришимни ҳам очиқ билмайман
«Билимсизликнинг шифоси» ҳайъати:
Ва алайкум ассалом!
Ўзингиз қилган назрни мен тушунтириб беришим керакми энди? Туққунингизча, дейилган бўлса, демак ҳали вақти тугамабди. Энди «Ҳислатли ҳикматлар» ни қолганларини ҳам ўқиб тўлатиб қўйинг. Ўшани муқобилида бошқа китобларни ҳам ўқинг, то икковининг бетлари сони бир хил бўлсин. Ўқиб бўлгач, қайтаверасиз. Валлоҳу аълам!.
