Имом Бухорийга бўлган муҳаббат Расулуллоҳ соллаллоҳу алайҳи васалламга бўлган муҳаббатдандир
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳеч шубҳасиз, ҳар бир мусулмон киши ҳаж қилиш учун Кабатуллоҳга боришни,  унга бир бор қўл теккизишни жуда истайди. Аллоҳнинг марҳамати ила дунёда шундай бахтли кишилар ҳам борки, биз бир бор қўл теккизишни орзу қиладиган Кабатуллоҳни улар артиб, чангу ғуборлардан тозалаб турар эканлар. Шундай бир вақтда юртимиздан борган бир киши Кабатуллоҳни артиб турган кишига бир бор уни артиш учун изн сўрабди. Аллоҳ билади, негадир ҳалиги киши бунга ижозат бермабди.

Сўнг ватандошимиз «Мен Имом Бухорийнинг юртиданман» дея ўзларини таништириб, яна илтимос қилибдилар. Шунда қора тошни артиб турган киши «Имом Бухорийнинг юртидан бўлсанг, арт!» дея ижозат берибди.

Буни қарангки. Имом Бухорий раҳматуллоҳи алайҳининг ҳурматлари юзасидан ҳар кимга ҳам насиб қилмайдиган бу улуғ иш бир ватандошимизга насиб қилган экан. Кабатуллоҳда хизмат қилиб турган биродаримизнинг бу ҳурматлари, албатта, Расулуллоҳ солаллоҳу алайҳи васалламга бўлган муҳаббатларидандир. Чунки Имом Бухорий раҳматуллоҳи алайҳи Расулуллоҳ солаллоҳу алайҳи васалламнинг ҳадисларига хизмат қилганликлари учун ҳали ҳамон бутун дунё мусулмонларининг ҳурматидалар, муҳаббатларига сазовордирлар. Иншааллоҳ, то қиёмат қадар шундай бўлади. Расулуллоҳ солаллоҳу алайҳи васалламга муҳаббати бўлмаган, у Зот алайҳиссаломни ҳурмат қилмаган киши Имом Бухорий раҳматуллоҳи алайҳини ҳам ҳурмат қилмайди. Сабаби: ундай бадбахт кишилар Пайғамбаримиз алайҳиссаломнинг, у Зотнинг ҳадисларининг, муҳаддисларнинг, хусусан, Имом Бухорий раҳматуллоҳи алайҳининг қадрларини билмайди!

Аллоҳим барчамизни Ўзига, Ўзининг Каломига, Ўзининг Байтига, Расулуллоҳ солаллоҳу алайҳи васалламга ва у Зот алайҳиссаломнинг ҳадисларига, Ислом учун хизмат қилган уламоларимизга бўлган муҳаббатимизни зиёда қилсин!

Ғиёсиддин Муҳаммад Юсуф

Мавзуга оид мақолалар
Мусҳафи шариф иштиёқи httpswww.youtube.comwatchvrHeviP8P3nIampfeatureyoutu.be

10:03 / 06.07.2018 1363
Комил иймон сифатлари ҳақида bintusodiqJanuary 23, 2018 r  . . Комил иймон сифатлари ҳақида Аввалги ҳадис Тўртинчи ҳадис Анас ибн Молик розияллоҳу анҳудан давоми...

21:56 / 23.01.2018 2621
Хадича Гунеш Голландиянинг Амстердам шаҳрида туғилган. Ижтимоий Академия мутахассиси. 21 ёшида турк миллатига мансуб йигитга турмушга чиққан. 30 ёшида Голландияда давоми...

04:36 / 09.11.2016 1623
Мазкур сабаблар ўнтадир 1. Қуръони Каримни тадаббур ила маъноларини фаҳмлаб қироат қилиш. 2. Фарз ибодатларни тугал қилгандан кейин нафл ибодатлар ила Аллоҳ давоми...

01:24 / 17.11.2016 1880