Балоғат ёшида муомала маданияти
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

      Болалар ўз ота-оналаридаги муомала маданияти ва хулқ-атворни осон ўзлаштириб оладилар. Агар сиз дўконга кириб, сотувчига қўпол муомала қилсангиз, қизингиз ҳам келаси сафар дўконга кирганда сотувчига қўпол муомалада бўлади. Агар сиз зиддиятлардан қўрқиб, муаммоли вазиятларда сукут сақлашни афзал билсангиз, бу ҳолат ҳам унинг хотирасида сақланиб қолади. Яхшиси, фарзандингизга: «Ўзингга раво кўрган нарсаларни бошқаларга ҳам раво кўрмагунча ҳақиқий мусулмон бўлмайсан», деган ҳақиқатни сингдиришга ҳаракат қилинг. 

         Биз, инсонлар, билан ҳамжиҳатликда яшаймиз ва бизнинг барча хатти-ҳаракатларимиз «бумеранг» хусусиятига эга. Уларнинг бари – яхшисию ёмони ўзимизга, албатта, қайтиб келади.  Агар фарзандингиз дугонаси ёки устози ҳақида бирор ножўя гап айтса, уларгача, албатта, бу гаплар яна бир қанча қўшимчалар билан етиб боришини тушунтиринг. Балки фарзандингиз ёмон ниятда эмас, шунчаки балоғат ёшидагиларга хос бўлган хусусият: ўзини кўрсатиб қўйиш, қанчалик ақлли эканини, ўткир фикрлари борлигини мақтаниш учун шу гапни айтгандир. Аммо унинг оқибатида фақат фарзандингизу унинг дугонаси ва ёхуд ўқитувчиси эмас, балки уларга яқин бўлган бошқа инсонлар ўртасига ҳам низо тушиши мумкин.  Қизингизга дугонаси билан жанжаллашиб ёки гап талашиб қолган пайтида жим бўлишни ва ичида ўнгача санашни ўргатинг. Бу пайтда у ғазабдан анча тушиб қолади ва тўғри сўз тезроқ топилади.  

Умму Муҳаммад Билол

Мавзуга оид мақолалар
 Киевнинг Украина энг катта масжиди бўлган « АрРоҳман» масжидида расмий ифтор бўлиб ўтди. Ушбу тадбирга дипломатик миссияларнинг бошлиқлари, давлат ҳокимияти давоми...

07:22 / 26.12.2016 1305
Қопқора туннинг сукунатидан, ваҳшатидан зада бўлган борлиқ тонг отиши билан эзгуликлар домига чўкади. Мунаввар тонгнинг мусаффо иси барча ёвузликларни куйдириб, давоми...

19:45 / 10.02.2017 2942
Амал ­ банданинг ҳаёти давомида қиладиган ишлари. Исломда банданинг амали етти қисмга бўлинади Фарз. Вожиб. Суннат. Ҳаром. Макруҳи Мубоҳ Қазо.

02:27 / 21.04.2017 1647