Ширинсўзлик ҳақида
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Оилада ёки жамиятда содир бўладиган катта-кичик жанжалларни диққат билан кузатилса, барчасининг сабаби, кўпинча, қўпол сўз ва муомала бўлиши муқаррар. Бир киши ўйламасдан гапириб қўйса, бошқасига шу гап ёқмайди ва натижада бекордан-бекорга жанжал келиб чиқади.

Ширин сўз кўпгина муваффақиятларнинг омилидир. У тараққий этган жамият ташкил этишнинг асосларидандир. Шунинг учун ҳам бу нарсага барча тарбиячилар ва ислоҳчилар катта аҳамият берадилар. Улар доимо бошқаларга яхши сўзларни айтиш, мулойим гапларни танлашга ундайдилар. Яхши, мулойим гапни ишлатиш инсоннинг обрўсини орттиради, дўстларини кўпайтиради, ҳамманинг ҳурматига сазовор қилади.

Шунинг учун ҳам, Аллоҳ ширинсўз бўлишга чақиради: «Бандаларимга айтгин, улар энг гўзал бўлган нарсани айтсинлар. Албатта, шайтон ораларини бузиб турадир» (Исро 53).

Аллоҳ мана шу оятда мусулмонларни ўзаро суҳбатларида, гап-сўзларида ширинсўз бўлишга буюради. Агар улар буйруққа итоат этмай, ёмон сўзларни ихтиёр қилсалар, албатта, шайтон ораларини бузади ва натижада ёмонлик ва душманлик содир бўлади.

Бошқа бир оятда Аллоҳ шундай дейди: «Ва одамларга яхши гаплар айтинг» (Бақара, 83). Аллоҳ таоло паст овоз билан сўзлашга ундайди. Чунки ширинсўзлик шуни тақозо қилади. Овозини баралла қўйиб, бақириб-чақириб сўзлашни эса, эшакнинг ҳанграшига ўхшатади: «Ва овозингни пасайтир. Чунки овозларнинг энг ёмони эшакнинг овозидир» (Луқмон, 19).

Аллоҳ кишилар билан сўзлашаётганда, муомала қилаётганда очиқ юзли бўлишни буюради ва қўполликдан қайтаради. Аллоҳ Пайғамбаримиз Муҳаммад алайҳиссаломга қарата шундай дейди: «Аллоҳнинг раҳмати ила уларга мулойим бўлдинг. Агар қўпол, қалби қаттиқ бўлганингда, атрофингдан тарқаб кетар эдилар» (Оли Имрон, 159).

Шу нарса мусулмонларга бир эслатмаки, улар ҳам доимо хушмуомала, ширинсўз бўлсинлар. Одамлар орасидаги муомалада Қуръон мана шу одобларни ўргатади.

Мавзуга оид мақолалар
  Қуйида биз келтирмоқчи бўлган усуллар маъсиятдан узоқлашишингизга ёрдам беради, деган умиддамиз. Дуо. Дуо бу энг кучли даводир. Шунингдек, ҳар бир балонинг давоми...

02:15 / 29.10.2018 1316
Дунё тамаддунида кўплаб тақвимлар мавжуд бўлган бўлиб, бугунги кунда ҳам уларнинг айримлари амалда қўлланилади. Ҳижрий тақвим санаси қайси кундан, қайси санадан, давоми...

04:26 / 02.05.2019 3594
«Мусульманка» журнали рус тилидаги биринчи ва ягона нашр бўлиб, мусулмон аёлларга бағишланади. Журнал муслималарга оид диний, ижтимоий, руҳий ва шу каби давоми...

04:25 / 08.12.2016 1750
Излай излай топганим. Бисмиллаҳир роҳманир роҳийм. Аллоҳ ҳақ субҳанаҳу ва таолога ўзининг ададича, фазлича, яратган ўн саккиз минг оламича ҳамду санолар давоми...

01:16 / 08.04.2019 3013