Болгария Президенти ифторлик дастурхони ёзди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Болгария Президенти Росен Плевнелиев мусулмонлар жамоаси учун ифторлик дастурхони уюштирди. Бу коммунистик тизим бошқаруви учун ҳукумат томонидан қўйилган тенги йўқ ва ақл бовар қилмайдиган қадамдир.

«Дини ва тилидан қатъи назар, бизнинг ота-боболаримиз бир ерда туриб, бир жойдан сув ичишган»,– деб айтди Болгариянинг бош муфтийси Алис Ҳожи 3 июльда ўтказилган ифторликда. Унинг таъкидлашича , бундай ўзаро қўшничилик алоқалари давлатда ҳозирги кунгача сақланиб келинмоқда. Президент Плевнелиев мусулмонлар жамоасига Болгарияда яқин кунларда бўлиб ўтган кучли сув тошқини пайтида, Православ Черкови билан бир қаторда, қилган дуолари¸ шунингдек, табиий офат оқибатларини бартараф этишда православ монастирларига кўрсатган ёрдамлари учун ўз миннатдорчилигини билдирди. Муфтий эса ўз навбатида Болгария ҳукуматини халқ ўртасида озод диний эътиқодни таъминлаб бераётганидан миннатдор бўлди. Яна муфтий Софияда ягона бўлган масжид ҳамма мусулмонларни сиғдира олмаётганлигини, давлат ҳукумати пойтахтда масжидлар сонини кўпайтириш масаласини кўтариб чиққанини алоҳида таъкидлаб ўтди. Президент саройида ўтган байрам ифторлиги ― Болгарияда коммунистик тизимнинг қулаганидан сўнг, 25 йил ичида давлат ҳокимиятининг 1,5 миллионлик туб мусулмон аҳолисига муносабатининг ўзгарганлигининг ёрқин далилидир. Расмий маълумотларга қараганда, Болгарияда мусулмонлар 12 %ни ташкил этишади. Улар, асосан, турк-усмон авлодларидир. Шу билан бир қаторда, мусулмонлар ташкилотининг тасдиғига қараганда, Болгариянинг 7,8 млнлик аҳолисидан деярли чорак қисми Ислом динига эътиқод қилади.

Манба: http://www.onislam.net/english/news/global/474623-bulgaria-president-hosts-muslims-iftar.html, http://islam.com.ua/news/18173-2014-07-04-16-32-26 Mehr anzeigen

Мавзуга оид мақолалар
Эрурсиз барча оламларга раҳмат, ё Расулуллоҳ Бисмиллаҳир Роҳманир Роҳийм Расулуллоҳ соллаллоҳу алайҳи васалламни яхши кўришимизга ўн сабаб 1. Расулуллоҳ давоми...

14:20 / 12.12.2017 1125
   Аллоҳ таоло қўниқўшнига жуда кўп ҳақҳуқуқ берган. Қўшничилик ҳақида бир қанча ҳадислар ривоят қилинган. Қуйида шу ҳадислардан намуналар келтирамиз. Ибн Умар давоми...

07:05 / 29.08.2018 1032
 Набий соллаллоҳу алайҳи васалламга бўлган муҳаббатни уйғотишда бир нечта усуллар мавжуд отаоналар  болаларига кичкина саҳобаларнинг Расулуллоҳ соллаллоҳу давоми...

01:25 / 01.02.2017 3819
  ФАРҲОД ПОСЁЛКАСИДАГИ КИСЛОРОДЧИ АМАКИ Ҳаётда турли воқелар бўлади. Шундай пайтлар бўладики, сизга ғойибдан кўмак учун чўзилган қўлларни ёки ўзини кўрмай давоми...

03:40 / 07.03.2017 1739