Mусибат
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Бу дунёда иймон билан

Нурга чўмган бир уммат бор,

Ул умматнинг йўли кенгдир,

Барчасида минг раҳмат бор,

Ҳаётида хотиржамлик,

Ўлимида минг ҳикмат бор,

Рози бўлар тақдирига

Тутар икки энлик хат бор:

Расулуллоҳ вафот этди,

Яна қандай мусибат бор?!

 

Кимдир ўлар, кимдир нафас

Олмоқ экан, англаб етдик.

Ўзни мангу даъво қила,

Гўристонни манзил этдик.

Олинг, мана, дунёингизни,

Ҳабибуллоҳ бирла кетдик,

Энди бизга на гўзаллик,

Ва на сокин ҳаловат бор,

Расулуллоҳ вафот этди,

Яна қандай мусибат бор?!

 

Ҳолатингиз кўрдик, маҳзун,

Аслиятга тезроқ қайтинг,

Ажал ўқи аниқ эрур,

Унга боқманг, кулиб «Ҳай» денг,

Дунё остин-устин бўлиб

Кетмайдими, энди айтинг,

Елкамиздан қолиб кетган

Ўлим тутар омонат бор,

Расулуллоҳ вафот этди,

Яна қандай мусибат бор?!

 

Отангиз ҳам, онангиз ҳам,

Бир кун сизни ташлаб кетмиш,

Юракларни тилка-пора

Айлабон, зор ғашлаб кетмиш,

Кўзларингиз балки намлаб,

Сўнггигача ёшлаб кетмиш,

Ажал келса, сиз қочгувчи

Қандайин бир иморат бор:

Расулуллоҳ вафот этди,

Яна қандай мусибат бор?!

 

Чакки томгай, энди асло

Ямаб бўлмас бу уй томин,

Ойнаси парчаланмиш,

Ўрнатмоқ на синган ромин

Қиёматга қараб йўлин

Тутиб бўлгач соқов замин,

Айтинг, тўсиб қолар қай куч,

Ва қандайин тумонат бор,

Расулуллоҳ вафот этди,

Яна қандай мусибат бор?!

 

Барчамизнинг қалбимизда

Дунёга бир муҳаббат бор,

Муҳаббатдан ҳосил бўлган

Разиллик бор, қабоҳат бор,

Охирламиш сўзим менинг,

Хитобимда надомат бор,

Аё, уммат, бу дунёга

Нечун қаттиқ садоқат бор?

Замин оғир нафас олар,

Унда қандай ҳаловат бор?

Расулуллоҳ вафот этди,

Яна қандай мусибат бор?!

Мавзуга оид мақолалар
46. Савол Жаброил фаришта илк ваҳий билан Ҳиро ғорига келганида Пайғамбаримизга қайси суратда кўринган Жавоб Жаброил фаришта илк ваҳий билан Пайғамбаримизга одам суратида кўринган.

05:19 / 13.12.2017 1769
Ишқ бир ҳасратдир...Ҳожар онамиздек бир гўдак билан чўлларда Аллоҳга омонат яшамоқдир.Ишқ ишончдир...Иброҳим Халилуллоҳдек энг севганини энг севганига икром давоми...

19:28 / 18.11.2020 3164
Перт шаҳрида бошланган ушбу мусулмон фильмлари форумида мамлакатдаги ва бутун дунёдаги мусулмонларнинг ҳаёти ҳақида суратга олинган 60 та фильм намойиши бўлиб давоми...

01:00 / 14.09.2019 2205
ҲАДИСНИНГ АҲАМИЯТИ ҲАҚИДА Пайғамбар соллаллоҳу алайҳи васаллам бир неча оғиз сўз билан Исломдаги улкан қоидани асослаб бердилар «Шубҳали нарсалардан йироқ давоми...

10:00 / 25.12.2019 1714