Эронннг Машҳад шаҳрида муқаддас Қуръони Каримнинг 2,5х1,75 метрлик янги нусхаси устидаги ишларни якунлашди. Бу нусханинг вазни 3,5 тоннадир. Муқаддас матн 650 бетга жойлаштирилган. Матн ишларини эронлик ҳаттот Али Акбар Кучони ўз шогирдлари билан бирга бажарган. Ҳар бир бет 15 сатрдан иборатдир. Биринчи ва охирги сатрлар насх услубида, қолган сатрлар эса сулс услубида ёзилган. Мусҳафни тайёрлаш ишлари етти йилни талаб қилди.Бугунги кунда Қуръон мусҳафининг бу нусхаси ҳажми жиҳатидан Афғонистонлик хаттотнинг яратган 500 кг лик нусхасидан илгарилади.
