Сиз қалбларимизда мангу яшайсиз
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

[gallery link="file" ids="5583,5571,5627,5632,5639,5640,5655,5661,5766,5802,5804,5808,5869,5911,5959,5951,5974,6030,6026,6057,6100,6110,6171,6240,5712"]

                                        

 Мана, бир ой бўлибдики, айрилиқнинг фироқида сизни васфлаб сифатларингизнинг адоғига ета олмаймиз. Ҳазратим бизни етим қилиб ташлаб кетдилар, деб куйибмиз.  Аслида мусулмон умматини етим қилиб кетибдилар...

Айрилиқнинг илк кунларида қандай чидай олар эканмиз, деган ўй-фикрлар тарк этмаётган эди. Аллоҳнинг Ўзи меҳрибон, қалбимизга Ўзи сокинликни ҳамда сабрни берди. Кўчага чиқсам, ҳаммаёқ ҳувиллаб қолгандек туюлади. Маҳалламизга бурилар эканман, юрагимни қандайдир ваҳима босади, онамнинг мунгли кўзларига қандай қарайман...

Қуръон ўқилса, дилларимиз яйраб, бутун дунёни унутиб тинглар эдик. Энди эса таъзияга келганларнинг тиловатини эшитсам, оғир хўрсиниб қўяман. Чунки сизнинг йўқлигингизни ёдимга солади.

Ҳазратим, уйга келсам, беихтиёр сизни қидираман. Чунки, аввало, сизни зиёрат қилишга ошиқар эдим. Уйнинг қайси бурчагига қарамай сизни кўраман. Қиблагоҳим, энди сизни тушларимизда кўришни, шу билан қувонишни истаб, Аллоҳимга ёлвориб дуо қилиб яшайман. Меҳрибоним уйдан келадиган нафасларингизни қўмсаб яшайман.

Набирангизга қарасам ҳам, сизни эркалатишларингиз кўз олдимдан кетмайди. Бизларга қолдириб кетган меросингиз – китобларингизни ўқисам, қулоғимда овозингиз янграйди. Ўзимни худди сиз билан суҳбатлашаётгандек сезаман. Ҳазратим, меҳрибоним, гарчи бугун вужудингизни тополмaсам-да, «Олимлар ўлмайди» деган муборак сўзни эслаб таскин топиб, сизни ёнимизда биз билан бир осмон остида нафас олаётгандек ҳис қиламан. Энди дийдор қиёматга қолса-да, Сиз қалбимизда мангу яшайсиз.

Оминахон Муҳаммад Юсуф

Мавзуга оид мақолалар
 Статистика маълумотларига кўра ҳар куни ер юзида юз мингдан ортиқ инсон вафот этаркан. Албатта, булар орасида бизнинг юртдошларимиз ҳам бор. Тезтез давоми...

01:11 / 01.02.2017 7904
XV аср жаҳон маънавиятининг буюк сиймоси Низомиддин Мир Алишер Навоий ҳижрий 844 йил Рамазон ойининг 17куни 1441 йил 9 февральда Ҳиротда туғилган. Ҳазрати Навоийнинг давоми...

08:01 / 01.02.2017 4848
Қалбнинг Аллоҳ азза ва жаллага бўлган ҳаракатини бир маромга тушириб, унда собит туриш лозим. Қалбнинг офатларини Аллоҳдан офият сўраб камайтириш ёки бўлмаса давоми...

21:26 / 08.02.2017 4081
 Устозни ғанимат билиш  Толиби илмларга қилинадиган насиҳатлардан энг муҳими бу устозни, унинг билимини ва илм мажлисларини ғанимат билиш, пайтида улардан давоми...

06:31 / 27.01.2018 1874