Устоз, қалблар Сизни қўмсайди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

      Ассалому алейкум! Ҳурматли сайт ходимлари! Аллоҳ барчамизга бу улкан мусибатни кўтаришликка сабр берган бўлсин. Ўша мудҳиш куннинг эртасига баъзи дилдаги сўзларим қофия бўлиб келиб ёзган эдим-у, юборсамми-йўқми деб ўйланиб қолган эдим. Ушбу сатрларни сизларга ҳавола қилсам.

Бугун қалбим чунон ўртайди,

Кўзлар ҳануз Сизни излайди.

Бу ҳижронга малҳам тополмай,

Устоз, қалблар Сизни қўмсайди.

 

Тақдир экан, не чорамиз бор?

Қалблар тўла фарёдимиз бор.

Сизга айтсам, азиз устозим,

Олам тўла армонимиз бор.

 

Ҳеч бир куним Сизсиз ўтмасди,

Ёзганлариз қўлдан тушмасди.

Қаён кетди йўлчи юлдузим,

Хаёлимда сира сўнмасди.

 

Суйсам ҳамки, боролмас эдим,

Вақтиз оз деб, йўқлолмас эдим.

Армон қучиб бу бечорангиз,

Бир тушимда кўрсайдим, дедим.

 

Эй Аллоҳим, гуноҳга йўйма,

Мен қулингни итобга тутма.

Қандоқ қилай, ҳижрон ўртайди,

Энди юртни олимсиз қўйма.

 

Ё Раб, ани раҳмат айлагин,

Қабрин Беҳишт, Жаннат айлагин.

Пешқадамлар, сиддиқлар билан,

Қиёматда хандон айлагин.

 

Энди Сизни ҳеч ҳам унутмам,

Фарзандимга номиз қўюрман.

Зора, болам Сиздай бўлса-ю,

Шояд, ундан Сизни тополсам.

Насимжон

12.03.15

Мавзуга оид мақолалар
Тўртинчи кун... Ассалому алайкум Мана, азиз дўстларим, тўртинчи кунга ҳам етиб келдик. Худди доим рўза давоми...

15:47 / 30.05.2017 3322
Сиз рўзангиз олдидан чин ният ва мақсад қилдингизми Рамазон ойини кутиб олар экансиз, қалбингиздаги давоми...

13:58 / 24.12.2016 3180
Шайх Салама Ислом умматига Ўзбекистон уламоларининг улуғи саналмиш собиқ муфтий аллома Муҳаммад Содиқ давоми...

05:25 / 05.02.2017 3587
   Халқимизга маълумки, шу кунларда Президентимиз Шавкат Мирзиёев ташаббуслари билан юртимизда Қуръони давоми...

12:08 / 10.02.2018 2668