Ҳар бир ишда яхшиликни ихтиёр қилинг
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Мисрлик олим, марҳум Муҳаммад Шаъровий бундай деб ёзган экан:

«Шаръий жазоларни татбиқ этишга иштиёқманд бир ёш йигит билан баҳслашган эдим.

— Исломий давлатда ёш мусулмонлар йиғиладиган дискотека бўлса, уни портлатиб юборса бўладими ёки бўлмайдими? – деб сўрадим ундан.

— Нега бундай қилиб бўлмас экан, албатта, портлатиш жоиздир, – деб жавоб берди у. Мен яна:

— Унинг ичидаги одамларни ўлдириш мумкинми? – деб сўрадим.

У жавоб берди:

— Жоиз, нега мумкин эмас экан.

Мен ундан:

— Агар улар гуноҳ ичида ўлдирилса, нариги дунёда улар қаерда бўладилар? — деб сўрадим.

У айтди:

— Албатта, жаҳаннамга тушадилар.

Мен яна сўрадим:

— Шайтон уларнинг қаерга тушишини истайди?

У айтди:

— Шайтон уларни жаҳаннамга туширишни истайди.

Мен айтдим:

Сен шайтон билан яқинлашмаяпсанми, мақсадларинг бир бўлиб қолмаяптими: сен уларни жаҳаннамга тушишини истаяпсан, шайтон ҳам шуни истайди?!

Кейин унга Пайғамбаримиз соллаллоҳу алайҳи васалламнинг ҳадисларини айтиб бердим:

— Расулуллоҳ соллаллоҳу алайҳи васалламнинг олдиларидан бир яҳудийнинг ўлигини олиб ўтишганида, Расулуллоҳ соллаллоҳу алайҳи васаллам йиғладилар. Саҳобалар: «Эй Аллоҳнинг элчиси, Сизни йиғлашга нима мажбур қилди?» деб сўрашди. Шунда Расулуллоҳ  соллаллоҳу алайҳи васаллам: «Бу жон жаҳаннамга тушган жондир, мен эсам уни бундан қутқариб қола олмадим. Қайғураётганим сабаби – шу», деб жавоб қилдилар у Зот соллаллоҳу алайҳи васаллам.

Сўнгра у йигитчага дедим:

— Энди сен Расулуллоҳ соллаллоҳу алайҳи васаллам йўллари билан сен танлаган йўл қанчалик фарқ қилаётганига боқ: У Зот соллаллоҳу алайҳи васаллам одамларни тўғри йўлга солишни истаган эдилар, сенинг мақсадинг уларни жаҳаннамга киргазишдир».

Мавзуга оид мақолалар
Буюк саҳоба Муовия ибн Ҳакам асСуламий розияллоҳу анҳу Пайғамбаримиз соллаллоҳу алайҳи васаллам муаллимликларини мақтаб шундай деган Отаонам у зотга фидо давоми...

09:00 / 01.10.2019 616
«Соликка кашф ориз бўлганда унинг ҳиммати тўхтамоқчи бўлса, ҳақиқат ҳайқириқлари унга Талаб қилаётганинг ҳали олдинда, дея нидо қилурлар. Борлиқдаги давоми...

23:23 / 29.01.2018 1088
Ўсмирлик сиз микроскоп остидасиз    Ўзингизнинг фарзандингизни ҳам тушунмай қоляпсизми Унинг кайфиятлари, муносабатлари, ёқтирган нарсалари ўзгариб давоми...

02:56 / 18.08.2018 1521
   Биз, мўмин мусулмонлар, бутун дунёни ва ундаги ҳамма нарсаларни Аллоҳ яратганига иймон келтирамиз. Шунингдек, Аллоҳ таоло инсонни ушбу борлиқда азизу мукаррам давоми...

20:58 / 10.02.2017 1853