Тарбиячининг муомала маҳорати
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Гўзал ва намунали боғланиш

Муваффақиятли мураббий болалари билан ижобий муомалани маҳорат билан бажаради. Унинг маҳорати фикрий суҳбатда ва меҳр-муҳаббатда қалбан яқин бўлишда кўринади. У болалар билан ўйнайди, ҳикоялар айтиб беради. Уларга жуда синчковлик билан қулоқ солади. Уларга қандоқ суҳбатлашишни ўргатади ва уларнинг саволларига жуда катта эътибор билан жавоб беради. Мураббий болани ўзига улфат тутади. Кейин бола унга дўст бўлади.

Ҳақиқий мураббий болалар билан бирга бўлишдан роҳатланади. Энди у улар билан суҳбатлашишдан зерикмайди. Ва уларга ақллари даражасида муомала қилади.

Ҳақиқий мураббий болаларининг нимани хоҳлашларини билади. Уларни чанқоқларини доимий равишда қондириб туради. Мураббий фикрини, ҳис-туйғуларини болаларга қандоқ етказишни ҳам билади. Уларнинг фикрларини, ҳис-туйғуларини ҳам билади. Улардан содир бўлаётган сўз ёки ишни доимо яхшиликка йўяди.

Интизомли шахс

Муваффақиятли мураббийнинг сифатларидан бири интизомли шахс сифатида кўринади. У ўзининг хатти-ҳаракатларини мунтазам равишда бошқара олади. Ғазаби келганда ўзини боса олади, ўзига ишонади. Доимо оилада ўз бурчини тўлалигича адо эта олади.

Қаттиқ асабийлашишдан ва зулмкорликдан, тажовузкор, қўпол-қўрс бўлишдан сақланади, сигарет ва шунга ўхшаш зарарли нарсалардан узоқда бўлади. Доимо оғир-босиқ бўлиш билан бирга, етук муомалали шахс бўлишга ҳаракат қилади. Атрофидагилар ундан яхши муомала ва меҳр-муҳаббат кўрадилар.

Тарбия фанида моҳир санъаткор

Айтилаётган ўнта сифатларнинг энг охиргиси мураббийнинг тарбия фанида моҳир санъаткор бўлишидир. Яхши ишга мукофот, ёмон ишга жазо беришни меъёрига етказади. Уларга ўзини қандоқ тутишни, бошқалар билан қандоқ муомала қилишни ўргатади.

Қиссалар орқали қандай тарбия қилишни, ўйнаганда қандай тарбия қилишни, қаттиққўллик билан юмшоқлик ўртасида қандай туришни билади, ўта ҳукм ўтказиш ёки бўш қўйиш ўртасида туради. Агар бирор-бир ёмон иш сабабли жазоламоқчи бўлса, қандай жазолашни яхши билади. Агар бирор яхши иш учун мукофотламоқчи бўлса, қандай мукофотлашни яхши билади. Ва яна боланинг ўсиш жараёнида ақлан, жисмонан, виждонан, хулқан ва динан ўзгаришини яхши билади. Доимо тарбия фанидаги буюк шахсни кашф қилишни яхши билади. Унинг иқтидорини ҳам яхши билади. Уни қачон қандоқ хурсанд қилишни ҳам билади.

3- фасл тугади

Мавзуга оид мақолалар
Умуман нақд пулдан қандоқ қилиб pакот чиқарилади Шартлари қандай Нақд пулдан pакот чиқариш фарз бўлиши учун унда қуйидаги шартлар мавжуд бўлиши керак 1. Пул давоми...

05:34 / 07.10.2016 1395
Ислом дини ақидалар, ибодатлар, ахлоқодобларда мўътадил бўлиш устига қурилган. Исломда қўрқинчли зулмат каби қовоқ солиб юришга ҳам, доим ҳазилмутойиба билан давоми...

19:54 / 21.01.2017 1744
  Фидойи аёллар  ИСЛОМ ОЛАМИДАГИ ОЛИМАЛАР  Бисмиллаҳир Роҳманир Роҳиqм   Аллоҳ таолога ҳамд, Расулуллоҳ алайҳиссаломга салавот ва саломлар йўллаган ҳолда, сиз, давоми...

03:29 / 20.03.2017 1817
Мутахассис тавсияси Ислоҳот сари httpswww.youtube.comwatchvAsSJr7AjRAampfeatureyoutu.be

00:12 / 01.02.2019 694