Самарқанд таассуротлари
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сентябрнинг 17-куни, мавлид ойининг иккинчи куни устоз Одинахон Муҳаммад Содиқ бошчилигида бир гуруҳ жамоамиз билан Самарқандга зиёрат сафарини уюштирдик. Сафарни уюштиришдан  энг асосий мақсадимиз, муборак мавлид ойида Пайғамбаримиз алайҳиссаломнинг  саҳиҳ ҳадисларини тўплаб, дунё мусулмонларига “Ал-Жомеъ ас-Саҳиҳ” номли машҳур асарини тақдим этган аллома, муҳаддислар султони Имом Бухорий раҳматуллоҳи алайҳнинг мақбараларини зиёрат қилиш эди. Челак тумани Ҳартанг қишлоғига йўл олдик. У ерда  Имом Бухорий мажмуаси  қад ростлаган бўлиб, улуғ зотнинг мақбаралари ҳам шу мажмуанинг ичида жойлашган эди. Мажмуага қадам босарканмиз, бу ерда янгитдан барпо қилинаётган манзаралар бизни ҳайратга солди...


Имом Бухорий раҳматуллоҳи алайҳ меросини асраб-авайлаш мақсадида Президентимиз Шавкат Мирзиёев ташаббуси билан бу ерда яхлит бир комплекс барпо этила бошланибди. Имом Бухорий номидаги халқаро илмий тадқиқот маркази, унинг ёнида  Ҳадис илми мактаби қурилган. Шунингдек, Имом Бухорий музейи ҳам қад ростламоқда. Унда аллома меросига тааллуқли ноёб асарлар, нодир қўлёзмалар жойлашган. Кўргазмага қўйилган асарларни кўздан кечирарканмиз, у зот ёзган асарларнинг турли тилларга таржима қилинган нусхаларига ҳам кўзимиз тушди. 8 та бўлимдан иборат бўлиши кутилаётган бу музейни томоша қиларканмиз, у ердаги манзаралар, ноёб манбалар бизда олам-олам таассурот қолдирди.

Мажмуа бағрида эса зиёратгоҳ буткул бошқача қиёфада бунёд этилмоқда. Жамоамиз билан Имом Бухорий ҳазратларининг қабрларини зиёрат қилдик. Улуғ зотнинг ҳақларига Қуръони карим тиловати ва хайрли дуолар қилдик.


Бутун дунёдан мусулмонлар келиши кутилаётган бу табаррук маскан – Имом Бухорий мажмуаси барчамиз учун энг гўзал маънавий масканлардан  бири бўлиб қолади, иншааллоҳ. Ундаги бинолар, зиёратгоҳу музейларни томоша қиларкансиз, бундан руҳан куч оласиз, олам-олам таассуротлар  сизни чулғаб олади...


Муҳайё

Манба
Мавзуга оид мақолалар
Кеча, 27 февраль куни Тошкент Ислом институтида институт талаба қизлари ўртасида Қуръон мусобақаси ndash 2023rdquo кўриктанлови бўлиб ўтди.Кўриктанлов ҳар йили давоми...

21:03 / 28 февраль 1929
Дунё мусулмонлари ҳақида 10 та фактБугунги глобаллашган оламда, мусулмонларнинг турли миллат вакилларидан ташкил топганлигини яхши биламиз. 2015 йилги Pew Research Center давоми...

15:53 / 02.05.2020 4728
Зайтуна коллежи АҚШнинг Калифорния штатидаги Беркли шаҳрида жойлашган бўлиб, аҳли сунна вал жамоа эътиқодида таълим беради. Бу коллеж Aмерика Қўшма давоми...

16:27 / 03.09.2020 2772
Жанубий Кореяда истиқомат қилиб турган ўзбекзабон азиз опасингиллар диққатигаШу ойнинг 1516 апрель кунлари, Рамазонга муносиб туҳфа ўлароқ, Кореяга устоз давоми...

13:30 / 14 апрель 1565