Рўза – тананинг закоти
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Ҳар бир нарсанинг закоти бўлади. Жасаднинг закоти рўзадир. Рўза сабрнинг ярмидир».

Закот нима эканини биласизми? Унинг луғавий маъноси «поклик» ва «ўсиш» деганидир. Тўланган закот қолган молимизни поклаб, сақлайди. Аммо бу учун закот фақат ҳалол молдангина берилиши шарт. Бу амални тўғри ният ва ихлос билан бажарсак, аниқки, закоти берилган молимизга барака киради.

Молнинг закоти бўлгани каби тананинг ҳам закоти бор. Жасаднинг закоти – рўза, у руҳимиз озуқасидир. Тана озуқаси егулик ва ҳаракат, ақл озуқаси илм бўлса, руҳ озуқаси рўзадир. Танамиз – бу оламнинг маҳсули. Руҳимиз эса маъно оламининг маҳсулидир. Руҳсиз тана – қуруқ жасад, шунинг учун эътиборимизни руҳ ва унинг поклиги ва соғломлигига қаратайлик.

Соғлом руҳсиз тана мажруҳдир. Руҳ соғлом бўлсагина, танамиз соғ бўлади. Соғлом танада соф ақл ва фикр бўлади. Буларнинг бари занжир каби бир-бирига боғлиқ экан, биз соғлом турмуш тарзини олиб боришимиз лозим. Биласизки, танамизнинг ҳам бизларда ҳаққи бор, у доим соғлом руҳ ва фикрга таянишни истайди.

Жаннат ваъда этилган 10 буюк саҳобийлардан бири – Талҳа (Аллоҳ ундан рози бўлсин) ҳайит кунларидан ташқари, йил бўйи рўза тутганликлари ривоят қилинган. Шунга қарамай, Талҳа саҳобийлар орасида энг шижоатли кишилардан эдилар. Рўза инсоннинг эмоционал ҳиссиётларини заифлаштириб, нафсни жиловлайди ва шу билан бирга, иймон ва маънавиятига катта қувват беради.

Рамазон ойларида рўзадор юрган пайтингиз бунга ўзингиз ҳам амин бўлгансиз. Рўза каби буюк ибодатларни адо этишдаги ихлос ва мустаҳкам ирода бизга фақат ва фақат манфаатлар улашади. Шуни билингки, танамиз рўзадор бўлганида руҳимиз ҳам рўзадор бўлишига ҳаракат қилсак, Аллоҳ наздидаги чинакам рўзадорлардан бўламиз, иншаaллоҳ. Аллоҳ рўза сабабли бизга каттаю кичик гуноҳлардан паноҳ беришини сўраймиз, зеро Аллоҳ хоҳласагина ва фақат Унинг ёрдами ила ўзимизни ўнглаб, тийиламиз.

Рўза сабрнинг ярмидир, у бизни сабрли бўлишгa ўргатади. Энг муҳими, бу ва бошқа ибодатлар Аллоҳ розилиги учун, тўғри ният ва ихлос билан бажарилиши лозим. Шундагина банда қилган ишларининг самараси ва натижасини кўра олади. Бундай инсонлар Аллоҳ учун қилаётган амаллари мукофотланишига ишонадилар.

Агар биз энг олий мукофотларга эришишни истасак, унда ибодатларимизни тўкис адо этайлик. Илм ва ихлосга таянган амалларимиз кўпайиб, бизларни эзгуликка ундайверсин. Рўзадорларга ваъда қилинган мукофотларни тўлиқлигича олувчилардан бўлишни барчамизга осон қилишини Аллоҳдан сўраб қоламиз. Oмин.

 

Мавзуга оид мақолалар
  Бугун 20 июль 2018 йил санасида Россия Федерациясида Муслималарнинг жамиятдаги ижтимоий ўрни мавзусида давоми...

10:05 / 20.07.2018 2405
Тарқалиш ҳудудини аниқ билмайманку, жуда кўп ўзбек оилаларида ўғил бола тили чиққани ҳамон сўкинишга махсус давоми...

14:30 / 14.10.2016 3720
Хитойлик ҳожи Ҳаж ибодатини адо этишлик учун Макка шаҳрига велосипедда етиб борди     Хитойда истиқомат давоми...

15:28 / 11.03.2017 4070
Ислом тарихида ва бугунги кунимизда жаҳон тамаддунининг илм, ҳуқуқшунослик, тадбиркорлик, адабиёт ва бошқа давоми...

06:39 / 02.02.2017 9554