Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ибн Дақиқ ал-Ийд раҳматуллоҳи алайҳ айтадилар:

Вафот этган бир дўстимни тушимда кўрдим. У менга:

"Қабрда ёнимга жуда қўрқинчли бир ит келди. Айни шу вақт чиройли юзли бир киши келиб, ўша итни ҳайдади.  У мени қўрқувдан халос этди ва менга тасалли берди", деди.

У киши кимлигини билгим келди ва: "Сен кимсан?" деб сўрадим.  Шунда у: "Мен сен жума кунлари ўқиган Каҳф сурасининг савобиман", деди.

 Ибн Ҳажар ал-Асқалоний, «Ад-дурарул камина» китобидан

Абдуллоҳ Раҳим таржимаси