Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
31. عَنْ أُمِّ عَطِيَّةَ قَالَتْ: كُنَّا نُنْهَى أَنْ نُحِدَّ عَلَى مَيِّتٍ فَوْقَ ثَلَاثٍ، إِلَّا عَلَى زَوْجٍ أَرْبَعَةَ أَشْهُرٍ وَعَشْرًا، وَلَا نَكْتَحِلَ، وَلَا نَطَّيَّبَ، وَلَا نَلْبَسَ ثَوْبًا مَصْبُوغًا، إِلَّا ثَوْبَ عَصْبٍ، وَقَدْ رُخِّصَ لَنَا عِنْدَ الطُّهْرِ إِذَا اغْتَسَلَتْ إِحْدَانَا مِنْ مَحِيضِهَا فِي نُبْذَةٍ مِنْ كُسْتِ أَظْفَارٍ، وَكُنَّا نُنْهَى عَنِ اتِّبَاعِ الْجَنَائِزِ.
31. Умму Атийя розияллоҳу анҳо айтади:
«Маййитга уч кундан ортиқ аза тутишдан қайтарилганмиз. Фақатгина эрга тўрт ою ўн кун аза тутилади. Сурма қўйишдан ҳам, хушбўй суртишдан ҳам, асб*дан бошқа бўялган кийим кийишдан ҳам қайтарилганмиз. Фақат ҳайз тугагач, ғусл қилиб, покланганда озгина «қусти азфор»**га рухсат берилган. Жанозага қатнашишдан ҳам қайтарилганмиз».
(Имом Бухорий ривоят қилган) (5341).
* Асб – Ямандан келтирилган, бўялган ипдан тўқилган кийим.
** Қусти Азфор – Ямандаги Азфор деган жойдан келтириладиган хушбўйлик бўлиб, азадор аёлларга хушбўйланиш эмас, балки ҳайз қонининг ҳидини кетказиш учун рухсат берилган.
Шайх Аҳмад Юнус Фулайтий ҳафизаҳуллоҳ
Фозилжон Абдулқайюм таржимаси
