Жиззах вилояти отинойилари иштирокида йиғилиш бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

2020 йилнинг  16 декабрь куни Жиззах  шаҳридаги "Хўжа Нуриддин ҳожи" жоме масжидида вилоят отинойилари иштирокида  "Кенг оммани интернет ва бошқа турли ёт ғоялардан  ҳимоя килишда отинойиларнинг ўрни" мавзусида йиғилиш бўлиб ўтди. Йиғилишда Ўзбекистон мусулмонлари идораси раиси ўринбосари Иброҳим  Имомов, Ўзбекистон  мусулмонлари идораси  Жиззах вилояти вакили, вилоят бош имом-хатиби  Меҳмонали  Жабборов, вилоят вакилининг хотин-қизлар масалалари бўйича ёрдамчиси, вилоят бош отинойиси  Фароғат Сатторова, Вақф хайрия жамоат фонди Жиззах вилоят бўлими раҳбари Шукрулло Исроилов иштирок этдилар.

Унда Ўзбекистон мусулмонлари идораси раиси ўринбосари Иброҳим Имомов сўзга чиқиб, Ўзбекистон мусулмонлари идораси раиси, муфтий Усмонхон Алимов ҳазратларининг муҳтарама отинойиларимизга мурожаатлари  билан таништирдилар. Унда кўзда тутилган талаблар асосида иш фаолиятини олиб боришларини таъкидладилар. Шунингдек,  йиғилишда отинойиларнинг вазифалари, уларнинг ҳар жавҳада ўрнак бўлишлари, ҳар бир отинойи имом-хатиб билан бамаслаҳат иш олиб боришлари, диний идора Фатво бўлими томонидан эълон қилинадиган жума тезисларидан фойдаланиб,  иш тутишлари ҳақида батафсил гапириб ўтилди. Ҳозирги замон отинойисига зарур бўлган сифатлар ва муҳим вазифалар кўрсатиб ўтилди.

“Отинойи – маърифат, зиё тарқатувчи экан, у доимий равишда оммавий ахборот воситаларини кузатиб бориши,  газета  ва журналларни мутоала қилиши, аёлларимиз учун чоп этилаётган “Мўминалар” журналини кузатиб боришлари, ОАВда фойдали суҳбатлар, мақолалар  бериб боришлари мақсадга мувофиқ”, дея таъкидлади йиғилишда мутахассисларимиз.

Ирода Эргашева,

muslimaat.uz сайтининг  Жиззах вилояти вакиласи

Мавзуга оид мақолалар
Бугун 13 декабрь 2018 йилда Ўзбекистон халқаро Ислом академиясида Ёшлар Иттифоқи бошланғич ташкилоти ва Uzxiaofficial Media гуруҳи томонидан ўтказилаётган Орзулар давоми...

07:45 / 13.12.2018 1322
Қозон шаҳрида Россиянинг кўплаб ҳудудларидан 120 нафар йигитқизни бирлаштирган ХI мусулмон ёшлариrdquo форуми бўлиб ўтмоқда. Қалб касалликлари муолажасиrdquo мавзуда давоми...

12:13 / 24 январь 589
Муслима шифокор ва ҳамшираларга вирус тарқалишини олдини олиш учун ҳар навбатчиликдан кейин рўмолини ташлаб юбориш молиявий қийинчилик туғдиради. Бу эса давоми...

12:19 / 03.06.2020 1231
Дунёда ўз бизнесини очаётган аёлларнинг сони тобора кўпаймоқда. Улар тадбиркорликда фаоллашишмоқда. Бугунги кунда аёллар дунёдаги кичик бизнеснинг 36 фоизини давоми...

11:59 / 17.11.2020 935