«Муаллим» ўқув марказида «Бахтиёр оила» курси битирувчилари тақдирланишди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шу йилнинг 2 март куни пойтахтимизнинг Шайҳонтоҳур туманида жойлашган «Муаллим» ўқув марказининг очилиш маросими бўлиб ўтган эди. Марказ «Чимир ота» жомеъ масжидининг имом-ноиби Абдулбосит Абдуллажоновнинг ташаббуси ва раҳбарлиги остида ташкил этилган бўлиб, бу ерда малакали мутахассислар муҳтарама аёлларимизга, суюкли опа-сингилларимизга, оила қуриш бўсағасида турган юртимиз ёшларига фаровон, мустаҳкам оила қуриш сирларини ўргатишни, бу йўлда зарур кўрсатмалар билан уларга ёрдам беришни, рўзғор илми хусусида, гўзал одоб-ахлоқ борасида ўзларининг тавсиялари, насиҳат ва маслаҳатлари билан кўмак беришни ният қилганлар.

11 ноябрь куни шу марказда  яна байрамона тадбирлардан бири ‒ “Муаллим” ўқув марказида ташкил этилган “Бахтиёр оила” ўқув дастурининг биринчи битирувчи қалдирғочларига сертификат топшириш ҳамда янги давра тингловчиларига дастурнинг тақдимот маросими  бўлиб ўтди.

Тадбир Қуръон тиловати билан бошланди. “Muslimaat.uz” сайти, Bintu Sodiq канали раҳбари, устозамиз Одинахон Муҳаммад Содиқнинг хайрли дуо ва тилаклари билан очилди.  Тадбирда  Шайх Муҳаммад Содиқ Муҳаммад Юсуф (раҳимаҳуллоҳ) ҳазратларининг завжалари Фотимахон ҳожиона ва уларнинг оила аъзолари, Чилонзор тумани отинойиси Фазилат Лутфуллаева, “Бахтиёр оила” дастури педагог-психологи Дилдора Шаропова ҳамда “Хадичаи Кубро” аёл-қизлар ўрта-махсус ислом билим юрти мударрисалари, марказ ўқитувчи ва ходимлари, тингловчилари иштирок этдилар.

Тадбирда устозамиз Одинахон Муҳаммад Содиқ  оила фаровонлиги, мустаҳкамлиги, ўзаро меҳр-мурувватнинг аҳамияти ҳақида тўхталарканлар, иштирокчиларга  Пайғамбар алайҳиссалом даврида саҳобияларнинг ҳаётий қиссалари, Мужодала сурасининг  нозил бўлиш сабаблари ҳақида ҳикоя қилиб бердилар.

Шунингдек, тадбирда  Чилонзор тумани отинойиси Фазилат Лутфуллаева, “Бахтиёр оила” дастури педагог-психологи Дилдора Шаропова,  “Хадичаи Кубро” аёл-қизлар ўрта-махсус ислом билим юрти мударрисалари ҳам  сўзга чиқиб, мустаҳкам ва бахтиёр оила қуришда зарур бўлган асосий омиллар, ўзларининг илм ва тажрибалари, кузатувлари ҳақида сўзладилар.

Сўнгра устозларимиз томонидан “Бахтиёр оила” ўқув дастурининг биринчи битирувчи қалдирғочлари бўлмиш   16 нафар опа-сингилимизга  сертификат топширилди.

«Муншидаат» гуруҳи аъзолари томонидан ижро этилган нашидлар, салавотлар тадбирга алоҳида файз ва байрамона шукуҳ бағишлади.

Тадбир  устозларнинг хайрли дуолари билан ўз якунига етди.

Келгусида бу ўқув маркази жамиятнинг негизи бўлган оилаларнинг мустаҳкам ва барқарор бўлиб шаклланишида, намунали оилалар сафининг кенгайишида ўзининг муносиб ўрнига эга бўлишини Аллоҳ субҳанаҳу ва таолодан тилаб қоламиз.

Мавзуга оид мақолалар
Қадрли сайтимиз мухлислариCиз азизларга маълумотларни янада қулай ва замонавий қиёфада тақдим этиш мақсадида сайтимизнинг тўлиқ янги кўринишини ишлаб чиқдик. У давоми...

10:15 / 20.01.2020 3334
Sputniknewsuz.com хабар беришича, Буюк Британияда истиқомат қилувчи юртдошимиз Гули Шайх хоним Гули Мурадова Сирдарё вилоятининг Сардоба тумани аҳлига кўмак беришга давоми...

13:45 / 05.05.2020 4024
Саудия Aрабистони пойтахти АрРиёдда Бахтrdquo музейи очилди. Ушбу музей ўз меҳмонлари учун жуда ҳам қизиқарли манзил ҳисобланади. Майдони 1300 квадрат метр бўлган бу давоми...

11:28 / 25.09.2020 2523
Ва ниҳоят, томонларнинг фикрмулоҳазалари, керакли имтиёз ва мажбуриятлари, талаб ва таклифларини имкон қадар ўрганиб чиққан ҳолда лойиҳамизга аъзо бўлиш учун давоми...

00:57 / 28.11.2022 2761