“GRAND TA'LIM” ўқув марказининг янги филиали иш бошлади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 

   Шу йилнинг  22 январь куни Зангиота туманида “GRAND TA'LIM” ўқув маркази янги филиалининг очилиш маросими бўлиб ўтди.  Зангиота зиёратгоҳи мажмуаси рўпарасидан жой олган бу таълим маскани юртимиз аҳолисига, айниқса ёшларимизга араб, инглиз ва рус тилларини ўрганишлари учун энг маъқул ва энг севимли ўқув маскани бўлиб хизмат қилади, деган умиддамиз.

   Ўқув марказининг очилиш маросимини марказ бош директори Музаффар Саттиев кириш сўзи билан бошлаб берди. У киши ўз нутқи давомида ўқув марказининг очилиш тарихи, фаолияти, ўтган йиллар давомида эришилган ютуқлар, янги филиаллар ва халқаро алоқалар ҳақида алоҳида тўхталди.

  Маҳалладан таклиф этилган фаоллар, оқсоқоллар ҳам сўзга чиқиб, илм-зиё тарқатиш мақсадида иш бошлаётган бу даргоҳ жамоасини муборакбод этдилар, келгуси ишларида ривож ва барака тиладилар.

Ўша кунининг ўзидаёқ мутахассислар жамоаси болажонлар учун эрталаб 9:00 дан кечки соат 5:00гача бепул логопед текширувларини ўтказишди. Янги бино қулай синфхоналар, бежирим замонавий техник ўқув анжомлари билан жиҳозланган.

Тадбирдан сўнг Ҳилол-нашр матбаа нашриёти директори ўринбосари, Муслимаат.уз сайти раҳбари Одинахон Муҳаммад Содиқ сайт ходималари билан биргаликда ўқув марказига ташриф буюриб, бу хайрли ишларнинг бошида туриб, халқ хизматига астойдил бел боғлаган “GRAND TA'LIM” ўқув маркази директорини ва бу йўлда холисона хизмат қилган барча азизларни муборакбод этдилар.  Ушбу ўқув маркази халқимиз илм-маърифатини оширишдек савобли ишларни амалга ошириш йўлида хизмат қилувчи чинакам илм маскани бўлишини, у ерда фаолият юритувчи ходимларга эса куч-қувват, манфаатли илм ато этишини Аллоҳ таолодан сўраб, уларнинг ҳаққига хайрли дуолар қилдилар.

Муаллиф
Мавзуга оид мақолалар
Туркиянинг Диёрбакр вилоятида истиқомат қилувчи Ражаб Чинор Қуръони Каримни ўзига хос усулда ўрганиб, ёд олди. У 1,5 йил олдин масжидга фаррош бўлиб ишга кириб, у давоми...

17:22 / 30.03.2020 1612
Дунё бўйлаб тарқалган пандемия сабабли Буюк Британияда ҳам масжидлар ҳамон ёпиқ. Муборак Рамазон ойида масжидда адо этиладиган ибодатларни интизорлик билан давоми...

14:02 / 25.04.2020 1090
Арканзас штатидаги Мадина Ислом институтининг ректори Сафия Саид ҳуқуқни муҳофаза қилиш маҳкамалари билан ҳамкорлик қилгани учун FBI Федерал Текширувлар буюроси давоми...

13:44 / 29.04.2020 1249
Туркиянинг Мугла вилоятида ишчилар иш жойида Қуръонни ўрганиш имкониятига эга бўлди, деб ёзади islam.ru.Ишчиларнинг талабларига биноан Қуръон ўқитувчилари давоми...

11:43 / 13.08.2020 813