Отинойиларимиз учун муҳим қўлланма тақдимоти
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шу йилнинг 14 ноябрь куни шайх Муҳаммад Содиқ Муҳаммад Юсуф жомеъ масжиди мажлислар залида отинойилар учун чоп этилган қўлланмаларнинг тақдимот маросими бўлиб ўтди.
Тақдимотда Дин ишлари бўйича қўмита, Ўзбекистон мусулмонлари идораси ходимлари, Хадичаи Кубро аёл-қизлар ўрта махсус Ислом билим юрти вакиллари, республикамизда, шунингдек, Тошкент шаҳри ва Тошкент вилоятида фаолият юритаётган отинойиларимиз ҳамда «Мовароуннаҳр» нашриёти ходимлари иштирок этишди.
Тақдимот Дин ишлари бўйича қўмита, Ўзбекистон мусулмонлари идораси ҳамда «Нilol nashr» нашриёт-матбааси ҳамкорлигида ташкил этилди. Ўзбекистон мусулмонлари идораси котибият мудири Муҳаммад Аюбхон Ҳомидов тақдимотни очиб берди. Дин ишлари бўйича қўмитанинг Хотин-қизлар билан ишлаш бўлими мудираси Фарида Абдураҳимова, Ўзбекистон мусулмонлари идораси хотин-қизлар масалалари бўйича бўлим мутахассиси Марям Абдуллаева, Хадичаи Кубро аёл-қизлар ўрта махсус Ислом билим юрти мударрисаси, muslimaat.uz сайти раҳбари Одинахон Муҳаммад Юсуф ўз маърузалари билан иштирок этиб, бу қўлланмалар бугунги кунда республикамизда фаолият юритаётган отинойиларимиз ниҳоятда зарур ва муҳим эканини таъкидлаб ўтишди.
«Нilol nashr» нашриётида чоп этилган мазкур қўлланмалар туркуми «Қуръон сабоқлари», «Ҳадис», «Ақийда», «Фиқҳ», «Сийрат» ва «Жаноза» номли китобларидан иборат. Тадбирда отинойилар учун тақдим этилаётган ушбу қўлланманинг ҳар бири ҳақида уни тузишда иштирок этган муаллифларнинг фикрлари тингланди. «Қуръон сабоқлари» китобини Гулобод Қурбонова (Хадичаи Кубро аёл-қизлар ўрта махсус Ислом билим юрти мударрисаси), «Ҳадис» китобини Барно Саидраҳмон («Нilol nashr» нашриёти муҳаррири), «Ақийда» китобини Одина Саидаҳмедова (Хадичаи Кубро аёл-қизлар ўрта махсус Ислом билим юрти мударрисаси), «Фиқҳ» китобини Пошшахон Эшонхон қизи (Хадичаи Кубро аёл-қизлар ўрта махсус Ислом билим юрти мударрисаси), «Сийрат» китобини Нозима Ибрагимова (Хадичаи Кубро аёл-қизлар ўрта махсус Ислом билим юрти мудираси) ва «Жаноза» китобини устоз Роҳила Хайруллаевалар тақдим қилиб, ушбу қўлланмаларнинг мазмуни ҳамда уларни нашрга тайёрлаш жараёни ҳақида сўзлашди.
Умид қиламизки, ушбу қўлланмалар аёлларимизнинг диний саводхонлигини ошириш, динимизга тўғри амал қилиш, тўй-маъракалардаги бидъат-хурофотларга барҳам беришда, шунингдек, отинойиларимизнинг Қуръони Карим, ҳадис, ақоид, фиқҳ, сийрат каби илмлардаги савиясини оширишга хизмат қилади.
Muslimaat.uz

Муаллиф
Мавзуга оид мақолалар
БИСМИЛЛАҲИР РОҲМАНИР РОҲИЙМ Ҳаж Исломнинг беш арконларидан бўлган бир улуғ рукн ва маҳбуб ибодатдир. Бу ибодатда Аллоҳ таолога юзланилади ва Унинг тажаллиси ва давоми...

10:11 / 11.03.2017 2476
Савол Расулуллоҳ соллалоҳу алайҳи васаллам оталаридан қачон етим қолганлар            Жавоб Расулуллоҳ соллалоҳу алайҳи васаллам оталаридан туғилмаслардан олдин, она қорнида ҳомила эканларида етим қолганлар.

01:14 / 24.11.2017 1085
Ассалому алайкум ва раҳматуллоҳи ва барокатуҳ Бисмиллаҳир Роҳманир Роҳим Барчаларингизга бугунги саййидул аём  Жума куни муборак бўлсин Албатта, давоми...

21:30 / 12.12.2016 5586
Орасида туғиш ва эрхотинлик алоқаси борларга. Бунда кишининг туққанлари, яъни отаонаси, неча поғона юқори бўлсалар ҳам, бобомомолари киради. Ана шуларга давоми...

04:26 / 04.06.2017 1690