Ассаламу алайка, Мустафо Амин
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Мавлид ойи кириб келиши муносабати билан жойларда Пайғамбаримиз Муҳаммад Мустафо соллаллоҳу алайҳи васалламнинг сийратларини, муборак ҳаётларини васф этиш, у зотга салавоту дурудлар йўллаш мақсадида гўзал тадбирлар уюштирилмоқда.
Жорий йилнинг 9 ноябрь куни “Хадичаи Кубро” номидаги аёл-қизлар ўрта махсус ислом билим юртида ҳам Мавлид муносабати билан “Ассаламу алайка, Мустафо Амин” деб номланган тадбир бўлиб ўтди. Тадбирнинг биринчи қисмида билим юртида таҳсил олаётган талаба қизлар томонидан тайёрланган кўргазма ташкил этилди. Кўргазмада талабалар ўзлари қўл меҳнати билан тайёрлаган ажойиб намуналар, мазали пишириқлар ҳамда қандолат маҳсулотлари билан қатнашдилар. Тадбирнинг бадиий қисмида билим юртининг устоз, ходимлари, талабалар, шунингдек, меҳмонлар иштирок этдилар.
Зал жуда маҳорат билан безатилган бўлиб, Пайғамбаримиз соллаллоҳу алайҳи васаллам масжидларининг қадимги ва замонавий кўриниши тасвирланган.

Тадбир Қуръон тиловати билан очиб берилди ва салавотлар ҳамда турли саҳна кўринишлари билан давом этди. Тадбирда аҳли байтнинг саййидлари бўлган Иброҳим, Умома, Хасан ва Ҳусайн розияллоҳу анҳулар ҳақида маълумотлар бериб ўтилди. Айниқса 4-асрда бўлиб ўтган Рожеъ воқеаларига бағишланган саҳналар томошабинларда катта таассурот қолдирди. Тадбир сўнгида иштирокчилар ижро этган салавотларга томошабинлар ҳам жўр бўлишди.

Муаллиф
Мавзуга оид мақолалар
Шайх Салама Ислом умматига Ўзбекистон уламоларининг улуғи саналмиш собиқ муфтий аллома Муҳаммад Содиқ Муҳаммад Юсуф вафот этганлиги хабарини беради. Нашр давоми...

23:25 / 04.02.2017 1887
  Бугун 10 феврал 2018 йилдан юртимиз бўйлаб давом этиб келаётган муборак Қуръон қироати мусобақаси Тошкент вилоятида бошланди. Вилоятда уч кун мобайнида бўлиб давоми...

06:10 / 10.02.2018 488
Ассалому алайкум ва раҳматуллоҳи ва барокатуҳу Аввало, муҳтарам шайх ҳазратлари раҳимаҳуллоҳнинг яқинларига Аллоҳ сабр берсин, шу қаторда бизларга ҳам. Менинг давоми...

21:55 / 02.02.2017 4174