11 ёшли Шакира Раҳмон мусулмон ёшлар учун “ишонч тармоғи”ни ишга туширди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

“Пеннй Эппеал”нинг  кичик раҳбари Шакира Раҳмон мусулмон ёшларга руҳий кўмак берувчи ишонч телефонини ишга туширди, деб хабар беради “Aраб Ньюс”.

“Пеннй Эппеал” жамоасига қўшилганимда менинг илк ғояларимдан бири – ушбу ёшлар учун ишонч тармоғини яратиш ғояси эди", дейди ёрдамчи гуруҳ раҳбари, малакали психолог Хина Зафар.

“Мен ижтимоий тармоқлар орқали номаъқул хабарлар юборишганида, мактабда таҳқирлашганида ёки ташқи кўринишим сабаб устимдан кулишганида ёки шу каби бошқа ҳолатларда онам билан гаплашиб, маслаҳатлаша оламан, – дейди Шакира Раҳмон, – Aммо менинг мактабдаги кўплаб дўстларим, жумладан, мусулмон дўстларим ҳам бундай муаммолари ҳақида ота-оналари билан гаплашишга қўрқишади. Шунинг учун мен дўстларим ва Буюк Британиядаги кўплаб ёш қиз ва ўғил болалар учун бу “ишонч тармоғи” фойдали бўлади деб ўйлайман”.

MY (Мусулмон ёшлар) янги ишонч телефони 11-24 яшар ёшлар учун бепул хизмат қилади. Ёшлар билан ишловчи соҳа мутахассислари қўнғироқ қилувчиларни диққат ва эътибор билан тинглайдилар. Зарур ёрдам ва маслаҳатлари билан уларни қўллаб-қувватлайдилар. Шу билан бирга, бу нодавлат ташкилот мурожаат этувчи барча ёшларнинг маълумотлари қаттиқ сир тутилишини кафолатлайди.

МY хизмати исломий илмга эга бўлган маслаҳатчилар билан 48 соат ичида электрон почта орқали боғланиш имкониятини ҳам беради.

“Пеннй Эппеал” ҳақида қисқача маълумот:

Тадбиркор Aдим Ёунис 2009 йилда муҳтожларни озиқ-овқат, сув ва тиббий дори-дармонлар билан таъминлаш мақсадида “Пеннй Эппеал” компаниясини ишга туширган эди. Сўнгги ўн йилликда у Осиё, Яқин Шарқ ва Aфрика давлатларидаги муҳтож инсонларга сувсизлик муаммоларини ҳал этиш, оммавий овқатланишни ташкил этиш, етимларга ғамхўрлик қилиш ва шошилинч озиқ-овқат ҳамда тиббий ёрдам кўрсатиш орқали хизмат қилиб келмоқда.

Оиша таржимаси

Манба: “Aboutislam” нашри

Шу ўринда муслимаат.уз ҳам "Балоғат бекати" саҳифаси орқали ўсмир қизларимизга яқиндан ёрдам беришни бошлаганини эслатиб ўтамиз.

Муаллиф
Мавзуга оид мақолалар
Рамазонда бедор бўлиб ўқиладиган намоз «Таровиҳ» деб номланиши ҳаммага маълум. «Таровиҳ» роҳатистироҳат маъносидадир. Чунки мазкур намоз истироҳат ҳисобланади, давоми...

05:10 / 07.03.2017 2454
«Ҳилол нашр» Кореада Бугун 2016 йил 28 май куни Кореада «Air one» ширкати ходимлари ва ўзбек мухлислар Ўзбекистондан борган «Ҳилол нашр» нашриёти гуруҳини қизғин кутиб давоми...

01:14 / 06.03.2017 1954
httpswww.youtube.comwatchvsjMZuc9sym0ampfeatureyoutu.be

01:36 / 18.12.2018 800
Шариатимизда бидъатга муҳим аҳамият берилгани боис, кундалик ҳаётимизда бидъат тўғрисида турли қарашлар, мунозара ва ҳатто тортишувларга дуч келамиз. давоми...

02:22 / 01.12.2016 1690